Golem Craft Beer (已結業)

香港既酒吧餐廳近年開始引入手工/精釀啤酒，唔洗下下飲全部味道、顏色、香味一式一樣既商業品牌，對作為啤友既我黎講當然係一大喜訊。呢間位於沙田石門馬鐵站附近既bar & restaurant 有16 個 tap 頭，仲有自己既 lager 可以飲，手工啤酒全部都係本地品牌，實行撐本土既精神。先黎杯鬼佬既signature 之作，美式IPA，望落係混濁既橙黃色，聞落有微微既熱帶果香味。飲落頭段淡淡既麥味，收尾有 IPA 既 特色 - 淡淡既啤酒花甘苦味但收結較短，輕鬆飲黎講都幾適合。野食就叫左d大路野，豬仔骨，煙肉芝士薯條，同埋泡菜豬肉雞翼，係雞翼入面釀左韓式泡菜豬肉，辣辣地好開胃。唔飲酒既都可以叫杯伯爵茶飲下chill 一 chill.有左呢個落腳地，可以算係沙田手工啤友既好去處。