上車車仔麵 (已結業)

推特友推介～石門出名食店之一🌟 "上車" 係地舖，唔駛左搵右搵，好方便。店舖幾有特色，有d 街市紅罩燈，裝修刻意形造懷舊特色💃🏻帶外國朋友黎食就岩晒～講返食物～自己都好鐘意食車仔麵。湯底有得揀胡椒口味，幾特別，淡淡嘅胡椒味，唔會好辣。叫左最鐘意食嘅蘿蔔、魷魚、麵筋，再加多隻流心蛋😋蘿蔔兩大舊，夠淋無渣👍魷魚韌左少少，一般啦...而麵筋，我覺得佢幾用心，用滷水處理同炸一炸過咁，幾好味～流心蛋原隻上，正呀喂XD另一碗就有叫豬手豬肚，好多舊，幾抵食😆蝦餅，即叫即整，好鬼熱辣，夠juicy 又彈牙，必食😍上車車仔麵，整體份量夠，算抵食🥰會再支持💪