Olive Cafe (和富中心) (已結業)

北角薈自從重新裝修之後，引入咗唔少餐廳，所以今日接埋A姐放工之後，我哋又嚟到北角薈搵嘢食。今日好肚餓嘅我，加一個唔係太肚餓嘅A姐，食石板燒就最啱啦，因為可以根據個人嘅肚餓程度揀選牛肉嘅份量，加上Olive Cafe係半自助形式，沙律、白飯同湯都係任食，質素尚算唔錯。自助吧沙律、餐湯、珍珠米飯都係自取，食幾多攞幾多。餐湯係羅宋湯，材料豐富，酸酸辣辣，夠晒開胃。不過，就略嫌沙律嘅賣相麻麻，好似好乾身。美國牛板腱 200g廚師先煎到牛扒大概三成熟，再放上熱石板，上枱嘅時候先切開牛扒，再靠石板嘅熱力燒到你喜歡嘅熟度！牛板腱嘅份量唔少，略帶少少脂肪，所以食嘅時候肉質軟腍，非常juicy。美國封門柳 150gA姐就叫咗封門柳，望上去嘅份量都唔少，肉質相對牛板腱較為厚實，但牛肉味非常濃郁，完全無筋，好好味。凍檸茶、獅王舞影最後，可以用優惠價叫埋飲品，除咗凍檸茶之外，另一杯特飲就係用橙汁、菠蘿汁同雪碧調配而成嘅獅王舞影，味道有啲似雜果賓治，好fresh呀！