影片
外卖等成15分钟先有，仲要包好又唔叫number。见倒个职员外买盒盖跌左喺地上之后又执返放返喺干净嘅盖上。疫情底下超唔卫生叫个鸡饭，得好少肉。全部系皮，又唔系咁熟。防疫措施做得好差。食完好似冇食过咁。
继续阅读
北角和富商场的 Olive cafe 午餐石板烧，超平仲要免加一👏🏼👏🏼西班牙黑毛猪 150g 连 Set $78 , 包沙律餐汤同白饭黑毛猪肉好似个心形咁好靓，忍唔住要系咁影佢相，上枱时快黑毛猪唔系全熟，我可以慢慢烧，慢慢食，都唔怕块黑毛猪过熟😊始终猪肉唔可以生食，我烧到每个表面都熟哂，但食落口就比较韧，好似避免唔到🥲沙律餐汤，白饭同酱汁在自助吧酱汁就得两款可以拣，牛肉汁同蒜蓉汁餐汤系忌廉汤好饮，落水嘅份量恰当，唔会太稀or稠，红萝卜好淋沙律我就加左胡麻酱，搅匀食
继续阅读
今日过左海去左北角一带工作，下午约３点左右完成后，行到咁上下有Ｄ饿，但又唔想食饭咁ｈｅａｖｙ，于是去左间附近既餐厅食下午茶。见到店外贴左个优惠，系３０元有鸡脾，红豆冰。于是就叫左，然后我就要左份西多士，柠水。鸡脾系卤水既，食落唔算咸，不过鸡脾ｓｉｚｅ不算大只。肉质唔算ｈｉｇｈ口。红豆冰既红豆都足料，而唔系得奶水。３０元来讲，算系合格同抵食。至于西多士，反而我地觉得有惊喜。原来以为同其他餐厅一样，系得一块方包，但原来系两块，系双层的。然后会好贴心咁将糖浆另上。我地要求走花生浆，侍应哥哥都应承，无叫厨房唔落，值得嘉许。新鲜整既西多士，真系下午茶既极品柠水就无咩特别，正正常常。
继续阅读
星期五谂住同老公Happy Friday Dinner系屋企附近揾咗呢间谂住食下期待已久嘅石头烧但点知我错啦，错在冇睇清楚所有食评，包括负评。亦错再入去嘅时候，冇睇清楚点解旁边餐厅咁多人排队，但呢间有咁多吉位嘢饮系正常嘅，如果雪糕红豆冰个雪糕入边包住啲冰系正常嘅话……朱古力奶昔我老公话味到正常第一样嘢啦，万众期待嘅石头烧，有牛味，但原来150 g，嘅份量真系比较少，男士们可能未必够食，如果想试就要试吓叫大份啲啦第二样嘢黎啦，经典嘅小食拼盘$88 ，特价减$10 ，包括有油淋淋既鱿鱼，无味但全熟嘅鸡翼，急冻嘅炸鸡块入口暖暖地唔脆，仲有最特别嘅白色炸薯条，系解咗冻嘅急冻薯条好似蒸咗一阵，琳琳地….如果要揾一样嘢赞佢，成碟野都系熟嘅第三样嘢，$128饼底Pizza，冇错真系好硬既饼底，系最平𠮶种急冻$30至$40，嘅急冻Pizza，个Pizza个名仲叫食肉兽Pizza，但就得几块肠仔，同系肉酱意粉味成餐饭$374 ，我唔知我食咗啲咩，仲要俾两蚊一个外卖盒买咗两个，食净𠮶啲嘢唔想浪费，睇吓拎返去焗一焗会唔会救得返。我唔会再去食，完！老公叫我补充，令餐具是有饭粒系啲叉度…
继续阅读
见咁多人话好食，于是带埋家人，一行4人去食。叫咗2份牛，2份黑毛猪。其中一份猪肉2/3都系肥肉，由于餐牌上只得一款猪，无得拣之下，唯有叫佢姐妹餐厅的食物。终于到本人开餐食牛了，一放入口，坏咗，直情用鼻都问到一阵味。同经理讲份牛坏咗，经理话无理由，又叫厨房嚟睇，厨房闻完都话有阵味，攞咗份牛入厨房，点知出返嚟同我讲“猪有阵味系正常”，O咗嘴，𠮶份系牛肉㖞。。。最终叫咗另一款牛肉。虽然的食物唔得，但礼貌唔错，可惜始终都系去食嘢，唔系食礼貌！家人话下次会拣大家乐！
继续阅读