Olive Cafe (新領域廣場) (已結業)

大埔同荃灣嘅olive cafe 大大話話都食過5-6次，到而家得番荃灣店，仲轉左型有鐵板牛食，一於試下。叫左美國IBP牛隔肌，橫格膜位置，比較瘦，而牛味較濃，石燒上自己燒到適當熟度，岩晒班想自己控制濃成嘅麻煩友。另外叫左個自選paste，要左煙三文魚同巴馬火腿，醬汁要黑松露忌廉汁，意粉可揀意大利粉或螺絲粉，我地揀意粉，唔會過淋，掛左黑松露忌廉汁食超級香，呢個必推！另外叫左必點薯條，薯條較為肥，薯仔味濃。轉左型之後選擇唔算多，不過石燒嘅肉類選擇多，實有一款岩食，而且冬天食可以保持熱度，不錯之選。