大和牛石燒專門店 (已結業)

午餐時間到啦，朋友話最近有間好好味的漢堡牛扒餐廳，牛肉居多為主，佢試過好好味，今日忍唔住都過去試下。午餐時間人流都多，餐廳環境都算舒適寬敞，原來湯同飯仲有沙拉都任裝，正啊。我地二人首先點石燒牛排，呢度牛扒好出名，點了美國安格斯牛小排同埋澳洲黑安格斯西冷扒。牛小排有已切好的四件，安格斯西冷就大大塊一件，都是在熱辣辣的石鍋上燒，自己可以控制熟的程度，自己慢慢燒的感覺都幾得意，鍾意幾多成熟都得。當然，兩分牛排都係咁好味啦，肉質煙韌又彈牙，所以重來都話肉質係最重要。另外呢度的漢堡也是出名，我們再點了一份英式煙肉阿波尾雞蛋和牛漢堡，首先見到個半生熟雞蛋已經流曬口水，蛋黃一爆連埋和牛滲入成個包，一淡咬落去真係超級juicy ，味道一流。忍唔住再食多兩件炸雞翅，一個字脆，兩個字，香脆。簡直無得頂。第一次來食已經咁好享受，看來之後都會成為飯堂啦。