牛匠石燒 (已結業)

作為無肉不歡既我，除咗早餐之外，基本上餐餐都會食肉🤤今晚同朋友黎咗間燒肉店試下日式石燒料理，環境裝潢充滿日本風情，卡位仲要有布遮擋，私隱度相對較高，而職員都好細心地教我哋點樣燒👅厚切特上牛舌Combo分為薄片同厚切牛粒2款，石板預熱後可先在石板上塗抹一下牛脂，再按自己喜好燒想要既成熟程度；牛舌油分相對較少，肉質亦較爽口有嚼勁😋🥩鹽燒牛匠特選牛肉油脂分布平均，肉同油香比例平衡，放在石燒一陣，油分好快滲出，牛肉甘香軟滑、入口即溶🦑燒原隻日本魷魚惹味爽口彈牙，仲要幾大隻下，可以滴幾滴檸檬汁更加醒胃🍚單食牛肉有啲單調，所以我哋都跟返一份味素飯同湯烏冬🥬生菜蒜片蒜片燒一燒，再同牛肉一齊放落生菜片上面捲埋一齊食，清脆爽口，亦可中和返牛肉逼出嘅油脂印象好深刻嘅係佢個飲品係超大杯，我地叫咗2杯飲品🍹牛匠彩虹水果茶水果配料豐富，有藍莓、士多啤梨、西柚、橙、奇異果，裏面仲有三串菠蘿🍍🍧菠蘿沙冰上面鋪上一層好厚嘅奶蓋，香濃細滑、下層菠蘿沙冰仲好清甜，大熱天時飲返杯認真爽，最啱而家34度高溫既天氣～📍牛匠石燒 (尖沙咀) 尖沙咀金馬倫道34-36A號福僑大廈地舖