福岡漢堡扒 (厚福街) (已結業)

睇戲前肚餓搵嘢食， Top Gun 2 真係刺激又好睇，要食返啲好嘢補充能量。尖沙咀厚福街係一條食街，見到人氣旺 福岡漢堡扒，一於試吓石燒和牛漢堡啦！福岡漢堡扒 原來係來自韓國的餐廳，主打石燒和牛漢堡扒，選用100%澳洲和牛，食物質素有保證！兩人套餐(Ver.4)叫咗個兩人餐，價錢抵食，內容勁豐富，首先會送上沙律菜、麵豉湯，作為開胃小食。朋友食菠蘿煙肉和牛漢堡扒(M），我就試咗芝士蛋蒜和牛漢堡扒(M)。芝士蛋蒜和牛漢堡扒(M)芝士蛋和蒜片煎蛋作為墊底，上檯時熱騰騰，蛋汁半熟， 質地也滑， 微微焦香，脆邊香口，配搭蒜片很惹味。和牛肉球外型好得意，店員教我哋用鐵鏟仔，小小一份的放於石燒上，溫度高很快就可以煎到半熟， 輕力壓落去，已經可以食，可以自己控制喜歡生熟度。初時未能掌握火候，外層煎至 overcooked ，食到中後段已經可以煎到金黃香脆，鎖住和牛肉汁，牛味濃郁，口感豐富。芝士泡豚丼勁爆芝士，拉絲效果突出，泡菜香辣，豚肉美味，米飯粒粒飽滿，好味到停唔到口。對住石燒熱辣辣，梗係要飲番杯冰涼特飲啦！蜂蜜柚子茶，冰涼清甜，好爽呀！最鍾意係枱上邊供應爐具我哋可以自己煎漢堡，抽風系統好好，好食