牛極 (大河道) (已結業)

中午黎到荃灣想平平地咁搵D野黎食，黎到「牛極」呢間据扒好地方，以自助機點餐形式落單，每位揀選一款牛扒及所需的份量就可以任食沙律、湯品及白飯。等左不出五分鐘就有專人將牛扒送到，其他包括醬料及餐具等都係自助去拎，雖說自助但地方都相當乾淨衛生。.沙律菜新鮮且醬汁有柚子醋及芝麻醬選擇，可胃麻雀雖少，五藏俱全。湯品今日係蕃茄牛尾湯，白飯任裝用左日式珍珠米，全部都自由提取。🔷牛肩排 180g 💰80 💙75/100拎出黎時牛扒都係以一成熟，之後的熟度都係經由熱石板自行烹調及控制，自己想要幾多成熟就自己烹調，想切到幾大嚿黎食都係自己話事。牛肩排個價位相當抵食，到餐時會有一張廚房用紙巾放係面，用以防油脂四淺彈黎彈去。首先牛肩排相當厚身，有豐富的肉質，不論切起上黎定食落肚都肉汁豐富及鬆軟溶化，可以自行配搭醬汁、海鹽、黑椒粉等調味。🔷牛柳 200g 💰110 💙75/100牛柳可以話超過立體，切落去無筋位，相對上更重肉味，脂肪比例十分平均，按個人喜好煮到所想要的熟度，再沾點燒汁或辣汁食都同樣出色。