金皇廷囍宴 (已結業)

今日約了兩位知己去食中菜，佐敦一帶中菜館多的是，揀選了一間友人曾經去過，有信心保證。今晚由於有婚宴只有數枱散客坐在近出口位置，冷氣不夠，食食下有點熱，真無奈，好彩食物質素不錯彌補不足之處。老火湯水美顏，金銀菜燉白肺夠滋陰。湯底清甜好香菜乾味。餸料真不少，㷛過的雞腳特別軟腍，白肺處理得好全冇臊味。好正呀！吱吱喳喳的鐵板雙蔥爆手切牛肉好惹味。牛肉夠薄夠入味，材料的大蔥小蒽香口，伴飯一流。豉汁蒸白鱔加入咗蒜茸，減低了鱔本身的泥味。肉質嫰滑蒸得剛好。今晚奉送南瓜西米露，有南瓜的甜香，不過稍為甜了少許。