B.Duck & Buffy 德記茶樓 (已結業)

老豆一向只會貪方便去傳統大集團酒樓飲茶，今次決定帶佢試下去啲新潮啲嘅點心專門店試下！蝦餃（$32），印上B duck賣相得意而且皮薄蝦爽👍馬拉糕($28),真係不得不提！因為已經好耐無食過鬆軟嘅馬拉糕啦，終於食得返童年喺舊式酒樓推車仔姐姐喺大蒸籠夾出黎嘅馬拉糕嘅鬆軟馬拉糕！💯💯💯蓮蓉壽包（$28），蓮蓉豐富香滑😋燒賣（$32），好味！牛肉（$28），勁大粒！😱而且絕對唔似普通茶樓果啲溝左大量肥豬肉鮮蝦春卷（$28），熱辣辣脆卜卜🍤鳳爪排骨飯（$42），份量好多，排骨醃得得惹味，配上甜豉油撈飯，十分滿意！🌟