影片
更多
2016-10-21
3529 浏览
成日見臉書有好多朋友分享好可愛既包包照片，又話好好食等等 ,我忍唔住要問下邊間！原來喺銅鑼灣二期開左間潮野叫「盈福28」！我身為銅記人竟然唔知！今晚一放工就帶兩老去潮拜一下！銅鑼灣C出口過馬路已經到銅鑼灣二期，望望水牌原來喺5樓～上到去好寬敞，枱與枱之間有距離令人有私人空間，店內更有獨立空間供大夥兒用餐；木系設計更令人感到自在放鬆；牆上油畫帶點後現代同幽默，實屬新派中餐，老少咸宜～見到廚房有兩邊，一邊係餐廳盡頭處、有透明玻璃既位置，可望到廚房入面情況，廚師數目都唔少，可見佢地分工精細，菜式唔會粗枝大葉。另一邊係近入口既開放式蒸包位置，呢度造出好多可愛既包包架！**注意**餸式算多，但因為餐廳上菜好快，所以唔需要一下子點晒所謂食物，因為無謂食物放涼左先食丫～點菜時店員都會建議上菜次序，記住唔好心急哦～～（放鬆d啦香港人～）店員推介佢地既乳鴿～於是我地3人叫左兩隻《玉桂香鴿 $38/隻》～如圖--肉質鮮嫩帶水份～全因一隻乳鴿只開兩邊，因為製作時要鎖住肉汁～而且唔需要椒鹽或任何醬汁，淨食已經好夠味～到上枱時店員會提供透明膠手膠，唔會食到雙手油笠笠～亦會有個鐵筒放喺枱面比客人掉骨～好多細心位呢
銅鑼灣C出口過馬路已經到銅鑼灣二期，望望水牌原來喺5樓～上到去好寬敞，枱與枱之間有距離令人有私人空間，店內更有獨立空間供大夥兒用餐；木系設計更令人感到自在放鬆；牆上油畫帶點後現代同幽默，實屬新派中餐，老少咸宜～
見到廚房有兩邊，一邊係餐廳盡頭處、有透明玻璃既位置，可望到廚房入面情況，廚師數目都唔少，可見佢地分工精細，菜式唔會粗枝大葉。
另一邊係近入口既開放式蒸包位置，呢度造出好多可愛既包包架！**注意**
餸式算多，但因為餐廳上菜好快，所以唔需要一下子點晒所謂食物，因為無謂食物放涼左先食丫～點菜時店員都會建議上菜次序，記住唔好心急哦～～（放鬆d啦香港人～）
店員推介佢地既乳鴿～於是我地3人叫左兩隻《玉桂香鴿 $38/隻》～如圖--肉質鮮嫩帶水份～全因一隻乳鴿只開兩邊，因為製作時要鎖住肉汁～而且唔需要椒鹽或任何醬汁，淨食已經好夠味～到上枱時店員會提供透明膠手膠，唔會食到雙手油笠笠～亦會有個鐵筒放喺枱面比客人掉骨～好多細心位呢！ ！所以可以食得好乾淨斯文～～～
呢店都有《松子爐魚 $198》食！好大條香口！賣相已經好靚，連伴碟既菜頭都切成花狀～魚身掃左麵炒炸過 ，上枱時店員會為客人切開d肉方便夾嚟食～～外層炸皮唔厚，裡面既魚肉仍有水份唔會乾，鮮甜味仍在~配上淋喺魚身既酸甜醬汁，真無好醒胃！拌飯食一流～
《奶黃蜜語 $39/3pc》印上潮語既流心奶皇包實在令人會心微笑～除左「叻叻豬」仲有「講呢d」架～賣相可愛之餘仲有香滑流水奶皇餡～記得襯熱食！我就因為食唔一切而要麻煩店員幫我keep起再翻熱 #好貼心
呢個名好英--《猛虎咬一口（豬/雞/魚）$39/件》!我點左一隻配豬腩肉～外賣同樣可愛，裡面夾住肥瘦均勻既豬腩肉及酸瓜同菜，吊味開胃又減低油膩感，加上有花生碎增加口感；加上少許茄醬實在惹味～
最後點左個《桂花陳皮梨 $59》潤一潤～不個雪梨配桂花糖同陳皮一齊煲，店員又再次細心幫我地切開雪梨方便食～～ 桂花煲皮梨就食得多，用埋陳皮就第一次食！陳皮令桂花同雪梨既味道更出，並令整體帶有陳皮既酸香，中和返桂花糖既甜，令味道既特別又討好～不得不提呢度有茶提應，仲係玄米茶 嚟（$10 /位），我好鍾意飲玄米茶，好快飲完一杯，店員仲成日幫我添茶！
餐廳經理話佢地嚟緊會做VIP card比客人，而家就暫時拎住佢張卡片當 9折卡先 XD
見到佢地一張枱都可以坐到好多人，下次叫成班同事放工嚟食先，一定鍾意～
张贴
