一幻拉麵 (已結業)

第一次試呢間拉麵，都係聽朋友介紹先去試，叫咗碗原味拉麵(蝦湯)，另一碗係义燒伴麵，加义燒，同咪一個蝦味飯團，首先個原味拉麵，個蝦湯真係幾出色，好鮮甜好香濃獨有㗎味道，而個拉麵無乜特別好普通，出色在個蝦湯，但有個問題就係佢果度係好似迴轉壽司咁自己斟水，仲要係得水，無茶呢樣最失敗，因為大家都知拉麵湯底一定係好濃，飲第一啖你可以感受到佢㗎精髓，但你味覺已經麻晒，要靠茶黎清一清口㗎味覺，所以呢樣好失敗，仲要收你加一服務費，而第二個伴面，唔錯個汁好甜，不過無拉麵㗎味道，溫馨提示佢同拉麵係無關㗎，加义燒，全部碎上好似貓糧，唔知話佢創新定失敗，個飯團可以不試，有啲鹹小蝦味，無特別，整體黎講食一次當體驗下就夠