影片
更多
2018-07-01
20 浏览
只需要係大圍地鐵A出口行5分鐘，就可以到風車啦，非常方便。餐廳門口有大大個招牌，十分易認！餐廳裝潢行華麗風格，上方有一盞大大嘅吊燈，相信去到夜晚一定非常有情調！仲有BAR枱，可以睇住BARTENDER現場調配飲料。適逢世界盃，餐廳仲好有心機佈置，係上方掛左好多唔多國家嘅球衣氣球。LUNCH SET有頭盤(是日沙律或餐湯)，主菜同野飲。我同家姐就一個揀左龍蝦湯，一個揀左煙三文魚沙律。沙律就用黑醋撈，唔似其他會用沙律醬，感覺就健康，同埋黑醋味酸酸味味，好開胃。而龍蝦湯份量十分大方，好大一碗，湯身比較濃郁，亦有好濃龍味，但略偏鹹。流心藍芝士牛肉漢堡呢個好好食，推介要叫，我本人就好鐘意呢種BURGER，塊漢堡排好厚，真係不惜工本，牛肉味好濃郁，食到美國嘅感覺，用71蚊食到呢個質素嘅漢堡真係物超所值！另外薯角都好正，上菜果時熱辣辣，外脆內軟，不過食嘅時候真係要小心，筆者都唔小心辣到個嘴。切開真係有好澎拜，芝士如泉湧般！香煎巖魚配香草汁條魚煎得香脆可口，配意份可減低油利度，配菜西蘭炒得好香口！荔枝特飲及爆谷味咖啡荔枝味好出，好過配汽水，本身以為係用荔枝汽水溝，無諗過真係有原粒荔枝。爆谷味咖啡好值得
餐廳門口有大大個招牌，十分易認！
餐廳裝潢行華麗風格，上方有一盞大大嘅吊燈，相信去到夜晚一定非常有情調！
仲有BAR枱，可以睇住BARTENDER現場調配飲料。
適逢世界盃，餐廳仲好有心機佈置，係上方掛左好多唔多國家嘅球衣氣球。
LUNCH SET有頭盤(是日沙律或餐湯)，主菜同野飲。
我同家姐就一個揀左龍蝦湯，一個揀左煙三文魚沙律。沙律就用黑醋撈，唔似其他會用沙律醬，感覺就健康，同埋黑醋味酸酸味味，好開胃。
而龍蝦湯份量十分大方，好大一碗，湯身比較濃郁，亦有好濃龍味，但略偏鹹。
流心藍芝士牛肉漢堡
呢個好好食，推介要叫，我本人就好鐘意呢種BURGER，塊漢堡排好厚，真係不惜工本，牛肉味好濃郁，食到美國嘅感覺，用71蚊食到呢個質素嘅漢堡真係物超所值！另外薯角都好正，上菜果時熱辣辣，外脆內軟，不過食嘅時候真係要小心，筆者都唔小心辣到個嘴。
切開真係有好澎拜，芝士如泉湧般！
香煎巖魚配香草汁
條魚煎得香脆可口，配意份可減低油利度，配菜西蘭炒得好香口！
荔枝特飲及爆谷味咖啡
荔枝味好出，好過配汽水，本身以為係用荔枝汽水溝，無諗過真係有原粒荔枝。
爆谷味咖啡好值得叫，好特別嘅味道，上層係甜爆谷味嘅牛奶，下層係苦黑咖啡，兩者溝埋黎飲啱啱好，建議飲管要插到最底飲 將苦同甜一齊飲。
職員十分貼心，見我家姐本身巖魚揀左配薯角，而我就叫漢堡，佢就立即講話可以揀配意粉，漢堡個薯角就可以SHARE。
题外话/补充资料：
免收加一
(以上食记乃用户个人意见 , 并不代表OpenRice之观点。)
张贴
