牧羊少年咖啡館 (香港文化博物館)

营业中

休息中

嚟緊去台灣旅行，想於出發前搜集一啲資料，但又唔想為左去一個地方而又買一本旅遊天書，於是我地又去牧羊少年痴書睇，一坐坐咗3個鐘睇咗4本台灣旅遊書，寫底左好多想去嘅地方。坐咗咁耐當然要飲下食下啦，我地每人叫咗一杯嘢飲同意粉。上次嚟又係食呢款青蘋果露筍松子仁香草醬意大利粉，因為鍾意佢夠fresh，有酸酸甜甜嘅青蘋果、清爽嘅露筍、鮮味嘅磨菇同埋脆卜卜嘅松子，再用香草醬去煮，簡直出奇地夾，好好食，但係都係嫌佢太多油，如果可以做到迎合港人愛少油口味咁就完美了。香蒜黑椒煙鴨胸意大利粉，配料份量都唔少，鴨胸都有好多塊，配以青椒、黑椒和洋蔥去煮嘅意粉，有微微黑椒嘅辣，但好又香好惹味。