牧羊少年咖啡館 (香港文化博物館)

营业中

休息中

在香港文化博物館參觀，逛累了，順道入去這間位於館旁的餐廳吃個下午茶休息休息。餐廳裝飾也很有文化氣息，牆上掛上了一些動漫畫作，還有一列書刊可供借閱，最特別是有代寄未來的信的服務，感到很超現實。待應引領我們在一個卡座坐下，我開始翻看下午茶餐單，款式也十分多，餐牌圖文並列，賣相不錯。我們就選了下面兩款。牛油果煙三文魚炒滑蛋酸種無花果核桃包，雖然擺碟與圖片不一樣，不過顏色很好看，綠油油的牛油果和黃澄澄的滑蛋很吸睛，牛油果口感綿密，滑蛋口感細滑，兩款食材都易於咀嚼。三文魚卷成一圈，份量不多，打開就是一小片。酸種無花果核桃包有兩大片，邊緣脆口，面包口感軟硬適中，面包的份量很飽肚。朋友喝了一杯燕麥奶熱咖啡，咖啡味道香濃。一口小食拼盤，看餐牌的相片是把食材排好放長碟上，但送到我們面前是一個小鐵鍋，食材就隨意放在上面，吃的時候要左挑右選了。我見煙辣腸放面，就先吃這個，肥厚的肉身，吃時有咬口，帶點辣很惹味。八爪魚丸彈牙，唐揚一口雞炸得鬆脆，橙色的蕃薯條入口甜甜的。整個拼盤有四種小食，都做得好吃。我喝凍骯髒咖啡，濃縮咖啡與牛奶也配合恰當，咖啡順滑好喝。吃完兩份份量充足的下午茶，有力氣回程了。

星期日同屋企人一齊去文化博物館，食野最方便的選擇都一定係牧羊少年，餐廳環境不錯，食物的選擇不算多，而且冇套餐的。今次我們點了俄式牛柳意大利粉，辣肉腸南瓜汁長通粉、牛油果芒果雞肉pizza及小食炸雞。所有的食物品道都很好，南瓜汁十分濃厚、但意粉長通粉分量較小，男士一定唔夠飽。pizza 熱辣辣味道不錯，而且都算大個。反而最估唔到是炸雞，份量較多，而且熱熱的配合埋蜜糖芥末醬，好味。整體食物有質素，但價錢偏貴，不過地點方便參觀文化博物館的人，而且入座有1個小時45分鐘時間，對想休閑一餐是非常適合。

今天偶然即興到香港文化博物館參觀，逛到六時關館。偶然看見這家牧羊少年餐廳，便有即興進入去吃晚飯，叫了一個二人餐，食物質素還好，但部份職員的服務態度奇差，十問九唔應。推介他們的咖啡羊架，小食蛋黃鳳尾蝦，味道不錯。套餐有兩杯飲品，其中一杯叫了甘筍蘋果橙飲品，味道清新，大家不妨一試。另外，另外一個煮食叫日式豚肉長通粉，味道尚可。套餐還有兩杯Häagen-Dazs雪糕，但不可選擇味道。整體而言，餐廳氣氛不錯，但部份職員的服務態度上有改善空間。

想減肥又唔想食得唔頹，可以試吓呢個沙律🥗～非常好味 望落去好似好大份 但我覺得岩岩好，夠飽又唔會再想食其他野～第一次係k11度食 ，就念念不忘想再食，因為減肥選擇性唔多，好彩屋企附近都有一間牧羊cafe 😍佢個合桃幾好味😋樣樣野都好好食 有生果，菜，肉，果仁好豐富 好過食all day breakfast可以令我食晒d菜...但擺盤無k11咁靚～可能太忙 但味道一樣好 🌻，另外 抹茶latte 都有水準 👍🏻而家唔係間間抹茶latte做得好 🍵唯一係一開始唔俾水，我等左好耐...

幾鍾意哩間開喺沙田文化博物館嘅分店風格悠閒文青 雖然喺新城市廣場要行一段路但唔妨礙我去過好多次😹😹•千島海鮮薄餅蝦超大隻好爽牙🦐千島醬無得輸‼️有墨魚、蟹柳、芝士😆•是拉差醬法國雞翼佢個醬正到我食過幾次•蘋果肉桂香檸冰茶淡淡的肉桂味 夏天飲好清爽有人形容係飲得到的蘋果批🍎•杏仁提拉米蘇蛋糕唯一不足係中間部分提拉米蘇未解凍好硬😹建議提早拎出嚟解凍先送上嚟🫣面層佈滿杏仁，甜度恰到好處佢整個配搭好食👍🏻好香

之前同仔仔一家人去完文化博物館發現附近有呢間牧羊少年咖啡館個名就真係聽得多啦我哋今次係第一次食🤣叫咗一個龍蝦汁意粉一個Pizza嘩！原本唔係太鍾意食意粉嘅仔仔竟然食咗大半份！成為咗佢人生中最愛嘅意粉🤣暫時應該係！自己同老公都覺得呢度啲食物都幾有水準下次去完文化博物館都可以嚟試吓🤣

每次到cafe點沙律都懷着一個矛盾的心情，面對餐牌上各種邪惡的食物，唯一的選擇就是沙律。明知道沙律是成本低利潤高的食物，沒有任何廚藝可言，還是逼於無奈要點它。每間餐廳的沙律都是大同小異，好像都沒有那間特別好吃。.🥗 牛油果香芒烤雞沙律配日式胡麻醬 $118 (另收加一)賣相好看。沙律菜不算新鮮。烤雞份量很少，就只有四小塊，使用雞扒部位，需要去皮，沒有特別嫩滑。牛油果生熟程度剛好，芒果鮮甜但份量也很少。胡麻醬分開上挺好，有助自行控制熱量。.雞扒份量極少，蛋白質不多。成本最多$20，到cafe吃的是氣氛。餐後沒有飽腹感，花百多元吃了個空虛。.健康評分：3/5性價比：1/5.牧羊少年咖啡館 (香港文化博物館) (沙田)沙田文林路1號香港文化博物館地下G6號舖

難得有一天平日放假，決定早上去吃個豐富的早餐。選了來文化博物館的牧羊少年，吃了個all day Breakfast。因為係平日，又係一早嘅時間，所以冇乜人，非常清靜、優雅。我可以慢慢吃，慢慢嘆。環境充滿文青feel，有文化氣息。冇乜人，又唔會嘈住晒。真係以為去咗外地度假咁！All day Breakfast唔算平，但係質素良好，又可以慢慢坐，我覺得係值得嘅。侍應服務基本上OK。除咗中間有試過好大聲傾偈，少少破壞氣氛之外，整體感覺良好。而家香港人成日北上消費，主因除咗價錢平之外，服務質素亦都係關鍵之一！香港啲店員成日俾人話西口西面，極之趕客。所以我認為服務、環境，係重要嘅食評之元素，需要重視和表揚。

牧羊少年咖啡館 (香港文化博物館)，位於沙田文林路1號香港文化博物館地下G6號舖。 座位舒適，有用餐時間限定。下午茶🍴 ～ 厚切芝士雞扒蕃茄沙律菜漢堡包拼海鹽薯條$108、 素食早午餐$128、 魚湯輕炒西蘭花$48、瑪琪雅朵$16、 玫瑰咖啡$16 🔹厚切芝士雞扒蕃茄沙律菜漢堡包拼海鹽薯條🍔 ～ 漢堡包的皮偏硬， 雞扒厚切有口感， 但薯條唔夠香脆。 🔹素食早午餐🥗 ～ 有意大利黑松露炒滑蛋、 希臘乳酪、 法國核桃杏脯包、 西蘭花、雜菌、蕃茄、 日本南瓜和牛油果， 雖然是全素，但份量多， 整體正常發揮， 賣相都唔錯。 🔹魚湯輕炒西蘭花🥦 ～ 魚湯配上西蘭花，味道更鮮甜。🔹瑪琪雅朵☕ ～ 味道一般， 唔夠濃郁。 🔹玫瑰咖啡☕ ～ 口感滑順， 稍為欠點咖啡味。 整體而言食物比咖啡好， 勝在環境舒適😊 。 🏷️溫馨提示～ 整個用餐體驗均屬個人分享意見， 只作參考😊。

位於博物館裏邊，有間牧羊少年餐廳。牧羊少年餐廳有多間分店，但呢間餐廳開喺博物館裏邊，多一份悠閒同埋寧靜感。平日去嘅話人唔多，下午茶嘅話價錢亦都算合理。包一份小食同埋飲品。下午茶餐可選擇是日蛋糕， 是日蛋糕有三款可以選擇，當日選擇咗芝士蛋糕，芝士蛋糕唔會太甜，口感適中唔會過硬。另外一份下午茶就點咗雞翼同埋薯條，雞翼嘅份量比想像中多，而且炸得鬆脆熱辣辣，非常推介。下午茶餐包餐飲，有多款選擇，冷熱皆可。而且用餐時間有1小時45分鐘，比起一般餐廳長，適合慢慢同朋友坐下聊天。

趁香港文化博物館未執笠 趕水尾睇趙少昂+陳崎師徒畫作 睇埋絕代芳華.梅艷芳同金庸館後 腳仔攰攰就入去地下牧羊少年 環境幽靜以書本作裝飾漂出文青味嘅cafe食嗰tea飲返杯咖啡回下氣厚切芝士豬扒蕃茄沙律菜漢堡包 $92 跟餐凍double espresso 食品唔使介紹 所有配料菜名講得清清楚楚 豬扒確實係大塊厚切 遠比小型漢堡包大 味道OK 至於double espresso目測份量不足60ml 估計只有40至50😔 問侍應攞代糖回應冇 即時掉頭急步離開 邊走邊講畀啲糖水你啦 當時直情以為自己去錯咗澳洲牛奶公司🤔一口小食拼盤 $78 跟餐雜果冰茶 3款小食: 辣肉腸/八爪丸/唐揚一口雞 每款兩件 大量炸薯條 三款小食都好味😋 薯條份量好多 味道正正常常 雜果冰茶好fresh 呢一份下午茶餐相當抵食當日係閒日嘅下午茶時段 只有三幾枱客人真係唔明點解侍應咁趕急咁冇耐性 文青cafe一向畀人感覺係悠閒relax 侍應當時態度完全破壞文青cafe應該有嘅氛圍 食物價錢質素相當不俗 可惜服務質素令用餐體驗大打折扣🍽 餐廳: 牧羊少年🏠 地址: 沙田文林路1號香港文化博物館G6號#foodieh

踏入餐廳，心情已經預咗會係一場美食之旅。頭盤點嘅泰國香椒膏鳳尾蝦意粉，眼見啲蝦真係鮮美得嚟🦐。不過，同泰式醬汁嚟個結合，就略嫌欠火候，味道唔算太協調，可能要再調教吓。再試燒汁八爪魚丸就真係有驚喜！個八爪爽口，燒汁夠味，唔俗呀🐙！當然，點可以漏咗甜品！一份港式下午茶必備嘅香蕉配朱古力雪糕窩夫，每啖都喺口腔化開嘅快感，齋講都流晒口水🧇！講真，窩夫同雪糕嘅結合，簡直就係終極搭檔。嗲嗲的朱古力醬同淡淡雪糕香，只係想講一句：「拿走我的錢吧！」 嚟到呢度，唔單止係填飽肚子咁簡單，而係一次味蕾嘅盛宴。每一口，都象徵住佢哋嘅用心同創意。記住啊，呢度啲位子瞓蠻快，要小心排隊喇！要食好嘢，耐心等待係必然嘅！💥

🦞午餐性價比🦑：🟢🟢🟢🟢⚫🥞美食體驗🧇：場地超大的咖啡店，黎開沙田文化博物館可以過黎望望。咖啡好好飲，我叫左兩杯。食物就比較一般，正常水平，可能因為佢地的餐廳係比較多素食類，口味都比較清，做出黎既色彩唔太吸引，我唔太搵到影得靚的角度📸打咭體驗📸：個場地為左配合文化博物館，佢整左一個藥櫃牆，我覺得幾有特色，算係幾好影。不過個場太過旺，人來人往，想靜靜地飲咖啡又或者SET好個陣黎影相的話未必做得到。🍳食物搭配🍳：我好推薦飲呢度的咖啡，不過食物可能就隨口味選擇會好啲，我應該唔會係呢度叫意粉食。下次可能試下漢堡或者全日早餐吧

呢間牧羊少年甘多年都屹立不倒。去完沙田博物館想食野就會去。今次再訪仍然保持水準。Pizza新鮮出爐好食，芝士夠多可以拉絲，但多D料會更開心。最愛都係牧羊的窩夫，揀左香蕉窩夫，大大份超級滿足。不過今次等得比較耐。建議上完正餐就即刻叫厨房整，否則要等15-20分鐘。我地食曬正餐后催左2次先上到。

假日食物價錢唔平 但 約50元 杯鮮奶咖啡只是暖的，仲要好细杯。沒有set lunch 飲品要另外 加幾十蚊一杯咖啡唔夠熱， 唔值得囉！ 老麥好過佢！ 一些 服務員 態度惡劣 沒有禮貌。整體唔值，又要限時！