影片
更多
2019-07-08
46 浏览
古舊既樓宇入面，竟然有一綠州，高級又夠私穩度既餐廳，邊觀望維港邊享受晚餐，愈看愈想守護好我地美好既家園。餐廳唔算大，所以預訂是必須的！餐廳有份開幾個包廂，包廂入面有幾張枱，私穩度非常高！餐具非常精緻，入座前已經放置好係枱面，有格調既碟同用心擺設既毛巾，非常加分！餐包：有兩種不同又熱辣辣既餐包，有口味較淡既普通麥包同南瓜提子包〔另外還有兩種不同口味嘅醬：黑松露牛油醬&黑松露蜜糖〕南瓜提子包上面有好多一粒粒果仁同黑白芝麻，而包入面仲有提子乾，食落甜甜地麵包亦非常柔軟，口感十足，非常特別同出色！個人非常喜歡黑松露蜜糖醬，有微微既黑松露香味，然後配上甜甜既蜜糖非常特別！另一種黑松露牛油醬既黑松露味較特出，牛油味亦十足，配上普通麥包令到麥包非常可口！前菜：風乾既巴馬火腿配上淡淡既水牛芝士同小蕃茄，巴馬火腿切得非常薄，唔會太咸太重口味，食落滑潤順口，配上淡口味既水牛芝士，有咬口得黎帶上淡淡既芝士味，唔會搶左主角巴馬火腿既味道！再配合酸甜多汁既小蕃茄，又多一番風味！開胃菜：生牛肉薄片配火箭菜沙律&松露醬生牛肉薄片口感非常嫩滑，牛味鮮美可口，包住火箭菜沙律食非常爽口，火箭菜出奇地無草青味同個種獨特既辣
古舊既樓宇入面，竟然有一綠州，高級又夠私穩度既餐廳，邊觀望維港邊享受晚餐，愈看愈想守護好我地美好既家園。
餐廳唔算大，所以預訂是必須的！餐廳有份開幾個包廂，包廂入面有幾張枱，私穩度非常高！
餐具非常精緻，入座前已經放置好係枱面，有格調既碟同用心擺設既毛巾，非常加分！
餐包：有兩種不同又熱辣辣既餐包，有口味較淡既普通麥包同南瓜提子包〔另外還有兩種不同口味嘅醬：黑松露牛油醬&黑松露蜜糖〕
南瓜提子包上面有好多一粒粒果仁同黑白芝麻，而包入面仲有提子乾，食落甜甜地麵包亦非常柔軟，口感十足，非常特別同出色！
個人非常喜歡黑松露蜜糖醬，有微微既黑松露香味，然後配上甜甜既蜜糖非常特別！
另一種黑松露牛油醬既黑松露味較特出，牛油味亦十足，配上普通麥包令到麥包非常可口！
前菜：風乾既巴馬火腿配上淡淡既水牛芝士同小蕃茄，巴馬火腿切得非常薄，唔會太咸太重口味，食落滑潤順口，配上淡口味既水牛芝士，有咬口得黎帶上淡淡既芝士味，唔會搶左主角巴馬火腿既味道！再配合酸甜多汁既小蕃茄，又多一番風味！
開胃菜：生牛肉薄片配火箭菜沙律&松露醬
生牛肉薄片口感非常嫩滑，牛味鮮美可口，包住火箭菜沙律食非常爽口，火箭菜出奇地無草青味同個種獨特既辣味，處理得非常好！
牛肉片上有整塊松露片，配上牛肉火箭菜卷同松露醬一起食，風味十足！
除左松露醬外仲有芥末醬，芥末味道帶少辣，更加增添食慾！
餐湯：青紅椒凍湯
我咁大個女都第一次飲凍湯，平時都係熱辣辣咁飲，凍湯對我黎講非常新穎！
凍湯用上多種顏色既椒類，青紅黃椒都有，飲落少許杰身，非常重既青椒味！由小到大都喜歡青椒，呢款青紅椒凍湯非常岩我口味！
凍湯入面仲有脆麵包粒，雖然麵包粒已經唔脆，但吸曬的湯汁，非常可口入味，配上爽脆既青椒粒，竟然有不同變化既口感！
凍湯岩曬大熱天時既夏天，飲完透心涼！
主菜：香煎慢煮黑毛豬
黑毛豬經過慢煮再煎香表面，肉汁保留得非常好，粉嫩既黑毛豬肉食落爽口肉味濃！肥瘦度大約三比七，帶少許肥肉一齊食更加嫩滑～不錯！
配菜有豆類蔬菜，紅菜頭同酸瓜令到食慾大增，酸酸甜甜非常吸引！
甜品：白酒啫喱配青紅提
白酒製既啫喱非常特別，酒味不太濃帶少少甜，最特別既係入面放左花旗參片！每口都有花旗參既味道，非堂獨特既風格！
配料除左青紅提外仲有龍眼乾，青紅提非常新鮮爽口多汁，龍眼乾亦非常甜蜜，配上啫喱食一流！
餐廳非常舒適有情調，食物質素非常高，係放鬆心情/拍拖慶祝既好地方！推薦一試！
最近香港人為自由而戰，身心俱疲，能夠在餐廳裡享受一刻寧靜，放鬆一下心情真的不容易！珍惜自由，別讓自由失去了才知道後悔當初！
张贴
