食神麗宮

营业中

休息中

睇過周星馳《食神》都唔會陌生呢度嘅老闆—戴龍師傅！如果真係唔認得，建議你要返太多次食神😏霸王別姬湯 — 古法秘製，真材實料，超多餸！所以真係個湯又濃又香又好飲！我飲左好多碗！！特醬燒乳鴿，你睇啲油光光澤都知係好味🤤仲要都幾大隻，好多肉食，真係好正！乞兒雞 — 要預先訂，戴龍師傅親自為你解釋呢度菜嘅由來，整法，啲泥係咩泥，該品嚐嘅角度，淨係呢一段都值回票價！其他小菜都一樣好食，建議人多過嚟可以叫多啲餸，因為呢度嘅份量都大大碟，一定食唔晒 。戴龍師傅亦非常好客，只要你肯敢問，佢一定會答你，佢係非常熱愛煮嘢食，食嘢，你同佢傾菜式啊，傾以前拍戲嘅事，佢都好樂意同你坐低傾偈，我感到呢餐飯係好有味道，遠遠超乎過價值。