S2 Kitchen (已搬遷) 新店位置

今日約咗老婆去中環一間日本居酒屋食晚飯.喺中環難得可以搵到嘅真香港人小店。只要係真香港人見到門口嘅設計就一定會入去食飯！食飯都食得特別窩心。呢度唔單止嘢食好食仲保證會將賺到嘅錢捐出去幫有需要嘅香港人（每1000就捐100）！睇到餐廳周圍嘅環境就知係真心為香港人服務。呢度啲嘢食都唔錯。前菜：豆腐拖拿蓉沙律。沙律嘅dressing啱啱好.拖拿蓉同埋沙律極都夾得唔錯！刺身四點：牡丹蝦、油甘魚、金木綢。全部刺身都唔錯尤其是係油甘魚，口感一流、有層次。蘆筍同心卷：呢一款好有特色，紫菜包住蔬菜，再輕輕用炸嘅方法去烹調。第一次試呢一啲新款嘅菜式！一定要是非常好味。鰻魚卷蛋：用甜品包住煮好嘅鰻魚,幾好嘅配搭.泡菜炒飯:最後再叫咗一個炒飯，非常有鑊氣，每一粒飯都有泡菜嘅香味。