尚囍 (已結業)

是日想食煲仔飯，上openrice又見到間名為尚囍既店最出名既係炭燒煲仔飯，我就同屋企人抱住好奇心去試下。店內乾淨得黎又幾寬敞，除左煲仔飯外，仲有小炒同煲仔菜。臘味粒撈飯(四人用)一打開餐牌就見到呢個比較特別既煲仔飯，餐牌上寫明分量足夠俾四人食用，雖然等得比較耐，但一揭蓋發現好足料，撈完之後好香，飯焦入口唔會太硬，而且帶點炭香味。好吃！秘製三杯雞煲雞肉幾滑，味道都幾好，如果可以再熱D會更加好。椒鹽鮮魷熱辣辣新鮮炸起，而且粉漿唔會太厚，好鬆化，再配以淡淡既椒鹽同乾蒜，十分惹味。黑醋焗牛柳分量十足，酸酸甜甜，開胃醒神，十分OK！