尚囍 (已結業)

之前貌似老闆娘的女士，話無客叫我幫襯多啲。客多咗，漏單冇講一句對唔住，然後趕我走。食物一般只有煲仔飯尚可。難食和冇禮貌餐廳，真不知所謂。依家，我永遠都唔會再幫襯，俾錢受氣！

這間小菜館服務態度超級差，可以用不知所謂來形容，特別有個女人全不懂變通，不知是老闆或是店員，如果是店員請著她就等執笠，店內座位不算舒適，都係大排檔Feel，細圓枱或長枱要搭人坐，去這類小菜館預了要搭枱，但竟想不到要指定你坐那裡，本人6:30到達2位，當時店內只得一枱客，其餘約20多張吉枱，當時個女人要我哋坐出菜位前張長枱，我客氣問能否坐另一張不近出菜位長枱，佢話吾得，於是我問小圓枱呢？小圓枱可以坐6位，當然客滿時，仍需搭枱，這點明白亦預了有人搭枱坐，佢同樣話吾得，當時有小小火滾，我問點解一定要坐出菜位那張先？我話你張張枱都係可以搭人坐，無影響，佢竟然答我要先坐滿這張先，我立即O嘴👀全店得一枱客，20多張吉枱，竟然要迫個客坐最衰個出菜位先，這是什麼態度？正常餐館，會先派較好的位置比先到客人坐先，稍遲的客人到時無得選擇，便要坐那些無咁舒適的位置，但當然佢有權這樣安排，我亦有權吾食，所以立即離開，老實講，天后大把餐館，客人大把選擇，你亦只是一間普通到吾普通的小菜館，亦不是客人排長龍那類名菜館，我只是順路經過，見到有煲仔飯食才進場，還這樣態度，簡直趕客，已入黑名單👎👎👎結業是遲早的事。

芝麻鸡........乾，好似隔夜烧鸡。油浸竽壳........一上好靚，咬一口唔熟，攞返去叮，唔脆, 毫無欠意。煲仔飯........ 超過一小時，隔離枱返枱兩次，都未送來，追單嘅反應....... 系咁㗎啦男伙記们倒老板米（可能佢地系老板） , 愛理不理, 基本服務都欠缺。唯一赞是腊味煲仔飯足料，最好唔好賣黄鳝飯啦, 因为雪藏鳝好（士星 ）, 估計煲飯師傅是老板，應該多些照顧樓面，否则再好味道，都不会有回头客o

尚囍此店位於港島區，天后。如果你係港島區而又好想食炭燒煲仔飯，但又唔想去西環，咁你就可以考慮下來試尚囍啦。呢間店打開牌面，炭燒煲仔飯。想食？係有規矩的。1）每張枱只可叫一次煲仔飯，唔准分開叫。想一煲一煲咁慢慢來，唔好諗啦！2）每個煲仔飯大約要25-35分鐘，唔等得？咪唔好去食囉。其實點解有呢兩點規矩呢？道理好簡單，想做多幾轉生意囉。佢哋明知自己做煲仔飯要好長時間，萬一漏了一煲，成枱人坐係度等，點做多轉生意呢？香港地，明嘅。煲仔飯質素，其實一般般，不要用油麻地或者西環嘅質素來比，跟本比不上。如果用筲箕灣某食店嘅煲仔飯來比，佢嘅質素都是追不上。除非好想食煲仔飯，又要就腳才值得你去此店，否則其實太多選擇了。

堂內服務差，外賣時間長，差，打電話叫外賣等了太耐，打去同餐廳接線講時間等了太耐，外賣食物已經凍哂，之後就話比個客人知呢d好個人主觀、見人見致，極度不負責任，又不換過食物，茶餐廳係咁樣，差到爆，極度不識合人去。呢d餐廳等執苙。

調味古怪、價錢相宜、味道不佳環境係茶餐廳裝修嘅茶樓咁，黎呢度食最期望係食鑊氣小炒，一班朋友食飯，只要食物ok，咩環境都可以好歡樂，可惜：芝麻雞：外皮滿滿的芝蔴，無咩雞味鱔煲仔飯：這個還可以冬瓜海鮮羹：最好的一道梅菜扣肉：肥肉淋、唔夠化，汁調味太甜椒鹽魷魚：見到個脆漿你都驚，油淋淋，怪！滑旦蝦仁：蛋夠滑。。落咗好多油、好油、好油。。。菜：我無心機食啦～～默默食完儘快走每人平均消費$100，雖然唔貴，我都覺得性價比偏低。

決定去天后附近既餐廳試下先，今次覺得抵食之餘而且仲幾有家既味道尚囍1. 臘腸排骨煲仔飯臘腸好香好入味，啲汁流落啲飲度，而且排骨好軟身，加少少煲仔飯豉油已經好入味2.窩蛋牛肉煲仔飯佢採用左生蛋，利用煲既熱力去整熟隻蛋，仲有牛肉非常嫩口，火喉剛剛好，而且飯開頭食唔會太硬，慢慢再變飯焦既感好好3.瑤柱朳豆苗個茨好夾，但我覺得瑤柱較散，如果實啲口感會仲好4.豉汁蒸鎗魚豆豉舖滿魚身，所以豆豉味完全充分反映係魚肉度，但我認為蒸既時間耐左少少，魚肉較為實5.清湯蘿蔔牛腩煲牛腩好軟腍，而家湯頭清香，不過胡椒味好濃，覺得會少少辣6.紅燒豆腐煲覺得呢個好一般，豆腐較易散，個茨一般，菜都好少7.菠蘿鎮江骨鎮江骨好腍，並唔難嚼，而且醬汁可以完全包圍啲骨度，好入味8.霸皇雞（半隻）雞好嫩滑，不太肥膩，但啲汁我覺得同啲雞唔太夾好味指數：😋😋😋😋😋😋😋

一入去就見到一行煲仔飯係到烤緊！見到就開心！一坐低！馬上叫咗窩蛋(生蛋)牛!同排骨加膶腸煲仔飯,最囍就係底有飯焦呀(係金黃色）！😆😆😆😋😋 ,豆鼔蒸豆腐帶子好似主家菜,豆鼓炒油麥菜😋！咕嚕蝦球(小脆）窩蛋牛肉煲仔飯 長型炭烤區 排骨潤腸煲仔飯 囍愛飯焦😋😋😋😋😋😋 豆豉蒸豆腐帶子 豆豉鯪魚炒油麥菜 咕嚕蝦球

天氣卒之翻涼。此時是妙的便莫過吃一口暖笠笠的煲仔飯，整個人登時就醒神，心情也變好了....一路想回去"坤記"光顧，但一望見那條長長的人龍便已氣餒。不過欲要一嚐極有風味的炭爐煲仔飯的話，城中還是有其他的選擇....店還未開門便已急不及待一大兩小在外面等候。這便是吃頭輪的好處了 ---- 若您可以立刻下單的話，等待不需半小時左右的時間，一煲煲熱騰騰又香噴噴就會擺在您的眼前....而且在等候期間，還可以吃著其他的餸菜來頂肚，絕對是消磨光蔭的最佳方法....在點菜阿姐的全力推介底下，小弟選擇了一份相對地花費高昂的蒜蓉粉絲蒸龍躉頭腩....細意一看，發現每一件龍躉肉件頭皆甚夠巨，而且一碟中竟有十來件。以一百四十八大洋的價錢來講絕對屬超值之選....吃龍躉，最主要當然吃它的皮了。眼前的這件魚肉，其皮既厚身咬落又膠口彈牙充滿著有益的骨膠原，絕對是令人愛不惜口，更難得是肉也是十分厚身甜度足且沒有太重腥氣 (就算它是稍被攤涼了但也全然沒怪味便知其新鮮程度之高)；另外蒜蓉份量是充足的，不過舖面的粉絲卻嫌太乾爭爭少了油水，入喉太涸了....食至半路，兩大煲熱辣辣冒煙的飯便上桌了....兩煲飯內有四種配料。其

同父母行過水星街找食, 被店裡的"馳名炭燒煲仔飯"吸引, 雖然大熱天時, 但竟然有d想食煲仔飯. 帶住一向咀刁的父母, 入黎呢間其貌不揚既餐廳, 其實有點擔心. 一坐低, 父母就微言, 餐廳內太嘈吵. 3個人點左3味餸, 菜膽雞, 金銀蛋豆苗, 白鱔煲仔飯 . 一般清淡小菜, 不過係十個驚喜!! 菜膽雞, 十分鮮甜, 家人一向喜歡清淡, 所以味道剛剛好. 金銀蛋豆苗湯汁都十分鮮味, 味道非常好. 白鱔煲仔飯絕對一讚, 飯焦唔會太焦, 很脆很香, 絕對係完美. 白鱔鮮甜不在話下, 上面豆豉真係好正, 仲有少少陳皮. 我媽煮野絕對唔差, 所以佢要求都好高, 出街食野成日都話佢點點點煮得好過佢, 佢呢樣點點點煮得唔好, 就算OK既佢都最多唔出聲. 呢間野佢多次讚好, 仲話如果住附近一定成日黎食. 3個餸加埋先2百幾, 平靚正

在灣仔、銅鑼灣尋食，尤其是正常的工作午餐，已感覺到沒有新意了，所以，間唔中，我會來到天后一帶，慢慢搵地方食中午飯。而這一次，因為一張錯字寫了"山埃烏東" 的餐牌而令我留意到這一家名叫《尚囍》的茶餐廳。是日，什麼"山埃烏東"已經除牌了，午餐餐廳再沒有寫錯字，但說有什麼吸引的食品，我可以說沒有，我點的，都是一般打工仔及工友的正常午市套諶。首先，是一個青紅蘿蔔瘦肉湯，現在係茶餐廳飲湯，感覺好多了，因為已經有好多好多的茶餐廳都不會狂落味精，所以，這一碗湯是令人開心的。最簡單，最難出錯的午餐，肉餅飯是其中一個，而這一個肉餅飯，感覺 very OK，但這只是味道上的OK，而入口，我就覺得用粉太多，質感太硬了。奶茶很濃，但奶味一般般，我只恣給OK這一個分數。普通茶仔，好的是上菜快，快快食是香港人的特色。食完仲有時間行下街，也是好處之一。

6月1日, 天后食早餐嚟講, 呢間尚囍都算得唔錯, 選擇多價錢都又平, 我同呀菲都成日幫襯~::: 炸菜肉絲麵 + 餐肉蛋 + 凍檸茶 ::: $22 + $2炸菜肉絲麵嘅料夠多, 炸菜味濃令到個麵都唔會好淡~ 最怕公仔麵嘅湯底淡到令成個麵都淡, 好彩呢個唔會~ 餐肉煎得幾香脆, 蛋雖然老咗d但係勝在冇乜油~ 方包就係咁啦...凍檸茶其實都幾甜, 不過檸檬味夠去中和個甜度, 大大杯夠晒凍~::: 沙牛通 + 腸蛋 + 凍奶茶 ::: $22 + $2沙嗲牛肉通粉大大兜, 通粉軟淋適中, 沙嗲湯底亦非常惹味, 牛肉嫩口, 好味! 方包就好齋, 腸仔煎蛋就都係普通野, 勝在蛋黃都仍有少許蛋汁.凍奶茶唔錯~ 少甜少冰都算做到, 可惜茶味較澀, 奶唔夠濃.食咗咁多次, 都係主要食早餐同下午茶, 下午茶炒野都唔錯, 搵次一定要食埋d煲仔菜先~

突然好想食煲仔飯，所以又黎左尚囍食喇！到達後，等左十分鐘就有位坐喇！今次我嗌左三樣菜式，分別係沙嗲金菇肥牛煲，白鱔排骨飯同啫啫通菜肉絲煲。等左一陣先上了啫啫通菜肉絲煲，炒到熱辣辣鑊氣十足，好香口。沙嗲金菇肥牛煲，粉絲充滿沙嗲既香味，所以食落好惹味。最後上既菜式就係我最期待既煲仔飯。白鱔肥美，而且無腥味，飯粒十分香口，飯焦香脆不黏底，再撈埋豉油相當惹味！

看Openrice食評，滿以為值得去試這家的煲仔飯，但結果是吃得一肚氣。今晚6時多去到，餐廳已坐滿大半，我們两個人被编到一張已坐了4個人的小桌搭枱，非常逼迫。我們很不習慣搭枱，桌子也着實太小，很不舒服。急忙叫了一個臘腸排骨飯和一個白鱔田雞飯，侍應說要等45分鐘，没辦法也只好等。等的時候同桌的炒菜和煲仔飯已上，聽他們說菜洗得不乾淨，很多沙，而那三煲飯也煑得太濕及不夠熟。等了35分鈡，我們那两個煲仔飯分別上桌，那煲白鱔田雞飯，田雞很紅、明顯不新鮮，白鱔也不鮮甜且带腥味，飯很濕，完全没有煲仔飯香，很不好吃。另一個臘腸排骨飯就更差，臘腸有油膉味，排骨雪味重而肉質硬，真是吃不下嚥。只好匆匆結賬，去找别的吃算了。在逼迫的環境下空等了35分鈡，得到的是这种質素的食物，真激氣。

一場嚟到想食炭燒煲仔飯點知佢哋歧視中午食嘅人要6pm先有得食沙拉骨肉質鮮嫩有咬囗nice sauce! vey creamy!!!三杯雞煲滑可惜過咸例湯唔錯應該有味精焗馬拉咖哩豬頸肉飯應該係整好哂先焗一焗就算不過幾好食豬頸肉彈牙咖哩味濃飯亦好咬口