影片
更多
2019-07-06
439 浏览
出左糧對自己好啲，慰勞下辛苦左成個月既自己，知道利舞台後面有呢間廚師發辦，就約左個朋友一齊去嘆下。呢度除左三個已經定好既omakase set紫（$1380）、楓（$1780）、夢（$2180），原來仲可以更換配搭，唔受餐牌框架限制，黎個大解放，完全由廚師決定今晚既食材同配搭。有呢個選擇我當然要揀黎體驗下，夠曬神秘感。今晚就選擇用紫既價錢$1380真正食個廚師發辦，向未知出發！<前菜>碎蕃茄蘿蔔加上酸甜既醋，好開胃。燜鮮魚，有來自味素同洋蔥既甘甜。炸明太子忌廉，一啖入口，脆皮下軟綿入口。<刺身>大托羅，油脂分佈較多，有筋幾有咬口。金目鯛，上面有細細粒既魚子，原來叫烏魚子，用左鹽醃製過再風乾，所以帶有鹹味，唔洗點豉油。赤血引，鮮紅色既，本來仲以為係吞拿魚赤身，原來係比較少見既食材。食落真係有少少血味，中間有大條筋，油脂比拖羅更少，但味道仍然甘甜非常。恍惚魚，個名好得意，好有魚味，感覺無拖羅咁油，口感爽韌。帶子，炭燒味好出，口感軟綿綿，啖啖肉，中間既檸檬令味道更昇華。象拔蚌，一小粒一小粒咁食，好爽口。針魚，點薑蔥豉油，口感竟然同象拔蚌一樣咁爽口，好有咬口，豐
<前菜>
碎蕃茄蘿蔔加上酸甜既醋，好開胃。
燜鮮魚，有來自味素同洋蔥既甘甜。
炸明太子忌廉，一啖入口，脆皮下軟綿入口。
<刺身>
大托羅，油脂分佈較多，有筋幾有咬口。
金目鯛，上面有細細粒既魚子，原來叫烏魚子，用左鹽醃製過再風乾，所以帶有鹹味，唔洗點豉油。
赤血引，鮮紅色既，本來仲以為係吞拿魚赤身，原來係比較少見既食材。食落真係有少少血味，中間有大條筋，油脂比拖羅更少，但味道仍然甘甜非常。
恍惚魚，個名好得意，好有魚味，感覺無拖羅咁油，口感爽韌。
帶子，炭燒味好出，口感軟綿綿，啖啖肉，中間既檸檬令味道更昇華。
象拔蚌，一小粒一小粒咁食，好爽口。
針魚，點薑蔥豉油，口感竟然同象拔蚌一樣咁爽口，好有咬口，豐富魚味，更由薑蔥闢走任何餘下既腥味。
<炒螺片>
食完刺身，好期待會係啲乜嘢熱食。原來係一道炒螺片。用左牛油炒，食得出調味用左豉油、黑椒、胡椒，好有油香，螺片肉質鮮美，好有咬口。
<燒白貝>
青酒燒既白貝。好大既一隻，肉厚肥美，落啲檸檬汁後，一啖入口超爽，唔腥。
<蟹膏豆腐>
係蟹控既最愛，豆腐係用蟹膏做既，上面係蟹柳，個汁係更多既蟹膏，旁邊有薑做陪襯。第一次食有濃濃蟹膏味既豆腐，大開眼界！
<壽司>
火灸中拖羅，油潤厚身，帶有少少筋，火灸後油脂更出。
赤鯥，比較少見，原來又名紅喉，魚皮滑溜，油脂較多，口感特別軟綿綿。
沙甸魚，未見過沙甸魚做刺身，好特別。原來味道依然同罐頭開出既一樣咁重味，但作為魚生，口感滑超多倍，而且完全無筋。
白蝦，色澤白皙，口感比較黏口，好有鮮味。
北海道海膽，多到超載，夠滑溜，creamy十足，完全唔腥！
北寄貝，原來平時見到既淺紅色北寄貝係熟左既，生既時候係灰色，口感更甘甜而爽滑。
<吸物>
鱔魚湯，用咗一個壺裝起，入邊有鴻喜菇、蝦。用檸檬調味。飲落每啖都有濃濃嘅魚湯味。食埋隻蝦同埋啲菇，就完成左呢一餐喇。
<甜品>
係非常健康又美味嘅水果。蜜瓜無比鮮甜，超多汁，多到隻碟都水浸呀。芒果好厚肉，酸甜比例簡直完美。
呢度裝修好豪華，好有傳統日本風格。有好幾間包廂，仲有卡位，需要私人空間傾計一流。今餐又學到好多野喇，大滿足！
张贴
