日月堂

营业中

休息中

知道姪女鍾意食台灣麵，今晚專登帶佢來日月堂，位於觀塘興業街14號永興工業大廈4樓C2室。一入到去已經感覺到陣餐廳充滿台灣特色嘅傳統佈置，而且2022年仲榮獲最優秀東南亞菜餐廳，同埋觀塘區開飯熱店👍👍知道姪女鍾意食牛肉，所以第一時間同佢點咗牛三寶麵：有牛展肉，牛筋同牛肋條，而麵條係台灣傳統嘅闊條麵。真心講佢嘅牛肉真係好正，好有牛肉味，而且啲牛展一啲都唔韌煮得好淋，入口一咬就會融化嘅感覺，同埋好香嘅秘製五香牛肉汁，真係唔食唔得😋😋👍我就叫咗傳統豬手便當，係豬手肉燥飯！佢嘅豬皮係好滑㗎，而且豬毛處理得好好，豬手係有皮又有肉，食完覺得充滿骨膠原。而肉鬆軟又多汁最啱撈飯食🍖👍👍而小食就叫咗雞翼，一碟有四隻，鹵水汁好香好好味😋😋👍食完當然唔少得飯後甜品啦！所以我哋叫咗仙草芋圓，我哋都好怕甜，而佢嘅黑糖甜度啱啱好，一啲都唔漏又唔會笠口，而芋圓就煙煙韌韌好好味，好有咬口，而仙草就好爽口，兩樣加埋取得平衡 👍👍姪女叫咗蜂蜜紅茶，味道清甜飲落好舒服🍹而我就叫咗熱黑糖珍珠鮮奶，佢嘅黑糖珍珠好柔軟一啲都唔硬，而且煙煙靭靭，鮮奶又唔會好甜👍👍好難得喺香港可以食到地道正宗台灣菜👍