隨心 (已搬遷) 新店位置

天氣炎熱， 好想食啲酸酸辣辣嘅嘢食😋😋諗起之前，去朋友屋企樓下嗰間星馬菜。 餐廳又大又舒服， 而且靜靜地。 所以喺銅鑼灣行完街，都要特登搭車過返鰂魚涌😍😍 搭地鐵嘅話都算好方便，過條馬路就到喇🙆新加坡炒貴刁🥘🦐（$78）傳統炒貴刁係用河粉埋油麵一齊炒，好好味😋😋 真係好鍾意✌ 配料非常豐富，用上新鮮蝦🦐、泰式臘腸、魚片🍢星加坡肉骨茶🍲(胡椒風味)($98)😍😍 真心推薦必食👍👍👍首先價錢非常抵，98蚊有一煲， 3件大大件嘅排骨， 肉質鬆化有肉味， 湯底清甜帶有微微嘅胡椒辣味。 配上蘿蔔同埋 油炸鬼。 真係欲罷不能😋😋一碗接一碗🍲黑醬油&炸油條亞參鳳梨🍍咕嚕肉😋($108)秘製醬汁酸酸甜甜非常惹味😊😊咕嚕肉用上冇骨嘅梅頭肉， 新鮮菠蘿香甜冇渣🍍🍍只係略嫌洋蔥太過生， 味道比較辣如果洋蔥可以煮熟少少，帶出甜味， 整碟餸會更加好食。tiger啤酒🍻🍺($28)肉骨茶真係非常好飲， 我自己本身鍾意飲新加坡風味， 香香辣嘅胡椒味好爽口兩個人嗌咗三樣嘢，非常非常足夠。 而且價錢非常公道，性價比高。