Blaze Craft (已結業)

今日同朋友嚟happy hour,佢介紹我嚟呢間專飲手工啤嘅酒吧，我自己好少飲，但朋友極力推薦，我就嚟試下。呢度有好多款來自不同國家嘅手工啤，種類繁多，呢間店嘅哥哥仔就介紹左兩款酸啤俾我地。第一款來自拉脫維亞嘅酸啤（6號），佢由菠蘿、芒果、熱情果、雲呢拿、椰子製造，味道清新，香氣怡人。好易入口，完全無平時果啲啤酒嘅澀味。酒精含量7.5%第二款係伯爵酸啤，來自比利時，酒精含量6.2%。 佢口味係類似紅酒嗰隻酸，但係並冇紅酒個澀味，有提子味，又係好入口。女仕好啱呢飲兩款酒。約埋三五知己happy hour happy hour 真係一個好地方。我哋叫左幾款西班牙小食送酒，估唔到又幾夾喎。酥炸魷魚圈魷魚圈炸得好脆，有海鮮嘅鮮味，送酒一流。意大利青瓜天婦羅脆漿包住爽脆嘅意大利青瓜，好啱做開胃小食。炙燒牛肉片伴柚子醋呢個一定要推薦，牛肉有牛味，配上黑椒碎更加突出牛味，而且整呢道菜牛肉一定要靚先可以。芝士墨西哥脆片濃濃的的肉醬香，配脆卜卜嘅粟米片，洋蔥，橄欖、牛油果令到整個配搭更加清新。