SuperNormal (淘大商場2期)

营业中

休息中

約朋友係九龍灣食飯聚一聚，上網見到呢間餐廳好多好評就去試下。入到去環境幾好，暗暗地有類似酒吧既感覺，座位好寬敞唔會有密集既感覺，好適合去食個飯傾下計。牛油蜆鍋配蒜蓉包牛油味非常香之餘仲有少少酒味，食哂啲蜆之後連湯底都想飲埋，入面仲有啲魷魚圈同西蘭花，真心推介！不過得2塊蒜蓉包就唔多夠喉。明太子原隻軟殻蟹漢堡啱啱上碟，趁熱食超正，軟殻蟹肉夠多仲有少少膏，下面仲有明太子同大蝦，非常夾味，食落又唔會好膩，配埋薯條啱啱好。串燒燒得夠火喉，好惹味，唔會比出面串燒店嘅串燒。鰻魚香得黎唔會好乾，保留到肉汁 juicy！最後點少得嗌埋啤酒，全部都好有特式。整體黎講唔錯，有機會一定會再食。