影片
更多
2019-03-12
60 浏览
Blue Monday 最令人開心既係星期一放早，然後星期二放假😁 所以一定要岀街行下食下調整下blue blue 的心情🤣放工係最肚餓既時刻，所以第一時間去左醫肚先。呢間野係耀華街既一間樓上鋪，唔係有朋友介紹，真係唔識捐窿捐啦搵野食🙈六點幾，人唔算多，環境好清淨，又播啲好柔和既歌，真係幾舒服😌坐正收銀機對面，見到啲甘搞笑既語句，就知老板唔係古板既人🤭落單係直接寫係餐牌上。幾欣賞呢個，又環保，又可以慳啲人手，最欣賞既係餐牌好乾淨👍🏻👍🏻平時去呢啲過膠餐牌落單，會有好多筆跡係度，抹唔乾淨🤢芝士炸雞係拉絲家🥰🥰 加上鐵盤上，放耐左都仲保到溫，份量亦比想像中多。炸雞個皮唔會太油，咬落去好juicy，唔會炸到乾淨淨，好味🤤好似係必點既邪惡包🤔 係紫菜包住鵝肝同帶子兩樣野輕輕一煎，好香。不過一上菜真係要即食，掛住相機食先，搞到紫菜𣺉哂😢 個鵝肝一啲都唔滯，好軟綿👍🏻蒜香牛柳粒呢個真係超。級。香‼️‼️個牛一啲都唔韌，而且好惹味。肥仔男友好鍾意😏李小龍卷？一食落個味有少少怪，原來係有我唔鍾意食既牛油果係入面😑 肥仔男友見我奇怪既表情仲以為中伏，原來係偏食寶寶作怪🤭撇除牛油果既味係好食既，而且好欣賞佢係
放工係最肚餓既時刻，所以第一時間去左醫肚先。
呢間野係耀華街既一間樓上鋪，唔係有朋友介紹，真係唔識捐窿捐啦搵野食🙈
六點幾，人唔算多，環境好清淨，又播啲好柔和既歌，真係幾舒服😌
坐正收銀機對面，見到啲甘搞笑既語句，就知老板唔係古板既人🤭
落單係直接寫係餐牌上。幾欣賞呢個，又環保，又可以慳啲人手，最欣賞既係餐牌好乾淨👍🏻👍🏻平時去呢啲過膠餐牌落單，會有好多筆跡係度，抹唔乾淨🤢
芝士炸雞
係拉絲家🥰🥰 加上鐵盤上，放耐左都仲保到溫，份量亦比想像中多。炸雞個皮唔會太油，咬落去好juicy，唔會炸到乾淨淨，好味🤤
好似係必點既邪惡包🤔 係紫菜包住鵝肝同帶子
兩樣野輕輕一煎，好香。不過一上菜真係要即食，掛住相機食先，搞到紫菜𣺉哂😢 個鵝肝一啲都唔滯，好軟綿👍🏻
蒜香牛柳粒
呢個真係超。級。香‼️‼️
個牛一啲都唔韌，而且好惹味。肥仔男友好鍾意😏
李小龍卷？
一食落個味有少少怪，原來係有我唔鍾意食既牛油果係入面😑 肥仔男友見我奇怪既表情仲以為中伏，原來係偏食寶寶作怪🤭
撇除牛油果既味係好食既，而且好欣賞佢係用張木櫈黎上菜，果然唔係古板既老細😛
比起刺身，我更喜歡火炙三文魚，輕輕一燒，個陣魚香味岀哂黎😋
以心型上菜，亦係特別之處。飯既底層有啲粉粉地色既粒粒，甜甜地，唔知咩黎😂但我同肥仔男友都好鍾意😛
鋪頭好似係兩夫婦經營，一個廚房一個樓面，但上菜速度正常，真係覺得個廚師好勁，一個人可以handle甘多張枱而保持到上菜速度同食物水準。真心推介大家上黎食，價錢親民又好食👍🏻👍🏻 更重要係我個人係十分支持小店的😆
张贴
