漢堡佬 (已搬遷) 新店位置

平时食嚟食去都系公司附近𠮶几间，有啲厌，同事就介绍我行多条街去新北江商场睇睇，呢间商场既餐厅真系几多。黎到同事推荐既汉堡佬小店，店铺细细间，不过菜式非常丰富。主打汉堡都好多款，不过见到有意大利饭，就嗌左个试试先。落左单到拎到野食都系大约5分钟，效率好快. 个鸡肉蘑菇意大利饭唔单单饭量多，连鸡都有7-8件，仲要大大块。见到都已经好有胃口。马上食啖先，饭粒包裹住奶味浓郁既白汁酱，鸡咬落多汁好嫩， 蘑菇有用牛油炒过好香，真心好好食!整体来讲呢间餐厅嘅性价比好高，而且非常抵食，好推介大家都走去试吓！