漢堡佬 (已搬遷) 新店位置

吉列豬扒流心蛋飯，外賣好好人會分盒上，拎到翻屋企塊扒都仲焫手。豬扒脆係幾脆但皮肉分離，兜白汁飯味道ok, 汁幾creamy，可惜生米，食到成口粉，下次煮熟啲應該會好少少

老實講，今次真係有啲令人失望！Hot dog 好適合用來做下午茶！不過今次食呢個Hot Dog 恐怕令小編失望了！首先個包唔錯既！Ok唔差嘅！夾住條腸仔！腸仔就係特長啦，腸仔就都好普通！冇咩特別！至不過肉碎配茄汁，即係變咗肉醬，加落去熱狗度，恐怕真係唔太理想了！仲要加上芝士，變得有啲太流了，小編就覺得。如果單調茄汁，效果可能會更加好！茄汁又真係比較偏向酸嘅！因此令到效果唔係太過理想！令到口感未算理想！肉碎真係太多了

日日食lunch都係食茶記，真係好膩，咁岩同事買左漢堡，又幾大個喎。見佢食到係咁話好食，抵食咁，我即刻問地址去買。呢間漢堡佬漢堡真係多選擇，又有牛肉，又有雞肉，又有軟殼蟹，又有蝦，仲做埋意粉，小食。厲害！嗌左個$38元祖脆雞漢堡，再加$22薯條。麵包有用牛油先烘過，生菜同蕃茄都大片同新鮮，雞堡炸得金黃色，好厚一塊。一啖咬落去食到晒所有食材嘅味道，特別係炸雞好多肉汁，加埋醬汁嘅搭配，味道好有層次。薯條都好大份，都係新鮮即叫即炸，好香脆，番茄醬都俾咗好幾包。份量多，咁飽肚，又好食都係$60，真心抵食。

自己一個人住，如果買餸煮飯仲貴過出街食，但係日日出街食，已經食都唔知食咩好。上openrice睇睇，搵到呢間漢堡店。漢堡款式仲多過一般嘅快餐店，價錢都好親民。咁啱見到佢哋有黃金軟殼蟹漢堡，好特別。點左個試試先，再加左椒鹽一口雞。個漢堡已經好大個，估唔到個軟殼蟹仲大隻！腳係曬出面！一咬個漢堡，軟殻蟹炸得好酥脆，完全冇炸粉粉味，中間蟹黃膏好濃郁，成個口感味道配搭好正。椒鹽一口雞成十幾塊，聞落都已經好香，一咬雞肉嫩滑多汁，椒鹽好惹味。最重要係配埋屋企露台嘅無敵夜景，感覺食物更加好食。

之前食過呢間漢堡佬嘅牛肉漢堡，好好食，所以今日特意再去幫襯。發現餐廳漢堡選擇又多咗好多，而家仲做埋意粉添😂 嗌咗個菠蘿脆蝦漢堡同三重芝士牛肉流心蛋漢堡外賣，比我同細佬食。菠蘿脆蝦漢堡既菠蘿有煎過，特別多汁，食落酸酸甜甜好開胃。滿滿蝦肉既炸蝦扒都好新鮮，漢堡配搭新奇又好好食！ 細佬食我推薦佢嘅牛肉漢堡都好滿足，份量又大，牛肉超多汁好香肉味，加埋三種口感濃郁嘅芝士同流心蛋，佢食到讚不絕口😂都話冇推介錯啦！餐廳可以一直保持咁高水準，仲成日出新口味，抵我寫好評比佢！

今日經過新北江廣場見到間排曬隊既餐廳，好奇停抵睇睇啦，個餐廳細細間，裝修冇咩特別。係菜式方面比其他間多左唔少選擇既，留意到大家都係點漢堡，我都忍唔住點個試試先。我點左個元祖脆雞漢堡($38)同椒鹽一口雞($38)。等左15-20分鐘左右，終於拎到個漢堡喇。馬上沖番屋企食漢堡，漢堡好大個，聞落已經好香牛油，炸雞，醬汁味。一咬個漢堡炸雞既肉汁爆曬出黎，炸雞真係好大舊，啖啖肉既感覺真係好正。椒鹽一口雞肉質好嫩，椒鹽好香，食到一啖接一啖，終於明白點解咁多人排隊，係值得排！

成日聽呢間漢堡店，都未試過見今日有時間就過去試下！餐廳都有好多漢堡選擇，見到牛肉漢堡似乎是最多人點，我就選擇左$55 雙層牛肉芝士漢堡。一打開，個漢堡比餐廳個照片睇落大成倍！已經聞到好香牛肉味，芝士都流緊出黎，即刻試下先。我已經好大啖咬，都只係食到上面個面包同一塊牛肉扒，個牛肉扒好厚，成口牛肉香，好多肉汁！邊邊煎得焦焦脆脆咁，完全係外脆內軟。再咬多啖，食埋下面嗰塊同啲芝士先，芝士同牛肉真係絕配，芝士味好濃郁，有濃郁嘅奶香。再配埋生菜蕃茄一齊食，感覺一啲都唔會膩。成口滿滿嘅肉，真係好爽😆

喺天水圍番工做嘢，少不免會成日去新北江廣場搵野食。😈呢間burger一路都想試下，今次終於有機會食喇，雖然餐廳細細間，但個菜單有好多種口味既漢堡包選擇，睇到我花多眼亂😍最後揀咗一個比較特別嘅漢堡，從來未食過既🍍🦐🍔菠蘿脆蝦漢堡，面包好香牛油味，個脆蝦扒好大塊，食落完全係滿滿嘅蝦肉，炸粉好薄，口感係外脆內軟，蝦肉食落好新鮮彈牙，明顯唔係急凍蝦！菠蘿，煎到酸酸甜甜，成個配搭感覺好新鮮，加上生菜蕃茄同醬汁，成個漢堡味道好豐富，蝦食落更加鮮味。好食到想馬上換衫，再買多個😂

放假約左男朋友行山，完左諗住搵間餐廳食下飯先醒起冇晚餐堂食，雖有買外賣番屋企食算🤷🏻‍♀️男朋友問我想食咩，我話意粉啦，佢就帶左我新北江廣場😑，話有間意粉好食，我實中意🤔。黎到店鋪門口，我地點左1. 黑松露大蝦意粉同2. 雞肉蘑菇意大利飯。番到屋企打開個盒，睇落份量好足，聞落都香。我試左一啖意粉先，好濃郁黑松露味，醬汁好香好creamy，意粉都煮得好好，彈牙有嚼勁，大蝦食落都好新鮮！我即刻試埋男朋友個意大利飯先，雞肉好嫩，個白汁好香奶味，飯軟硬岩岩好。真係估唔到咁普通既店，廚師水準咁高，用料咁大方！

呢間小店係主打burger，可以見到佢地漢堡都有唔少選擇，有牛肉，雞肉，蝦同軟殼蟹。 我見到網上啲食評評價都唔錯，所以即管試試佢！最後決定食$55雙層牛肉芝士漢堡，見到漢堡個下我驚訝左，牛肉扒會唔會太厚，牛肉好重肉味，好嫩，半融芝士好奶香，加上脆脆既包同生菜蕃茄同醬汁，啖啖牛既感覺滋味十足。$22薯格好香薯仔味，炸得好酥脆，點埋茄汁一齊食，好香口。而且份量都好多，呢個價錢可以有咁多份量真係好抵食！呢個漢堡絕對係最近食過最滿足，又極度罪惡既一餐，唔知要跑幾多步先可以消耗到了。

媽媽今日係屋企群組度話今日好累唔煮晚飯叫我自己解決🌝，本來有堂食，仲可以約下朋友，依家… 睇黎都係買個外賣番屋企食算，想食漢堡包，但又唔想食麥當勞，網上見到間漢堡佬餐廳，係專門主打漢堡，選擇種類多，照片睇落幾好， 買個試試。⭐️⭐️🌝$38 元祖脆雞漢堡🌝，成漢堡個好大，聞落已經好重牛油同炸雞香味，雞肉成個手掌咁大塊，食落肉質鮮嫩多汁，個醬汁都好好食！ ⭐️⭐️薯條食落熱辣辣，香脆好食！💫總括而然，呢個野唔單單好食過麥當勞，直頭好過好多cafe添! 價錢仲要咁抵，CP值超高！搞到我忍不住要比好評！🌝🌝

又係一個人嘅晚餐🤤，都唔知食咩好，上網睇吓有啲咩推薦啦，見到呢間餐廳，選擇又多，價錢又唔貴，嗌咗個雞肉蘑菇意大利飯再加椒鹽一口雞。🥇拎到返屋企，意大利飯同一口雞摸落都係熱辣辣☀️🔥，試咗雞肉蘑菇意大利飯先，意大利飯份量多大，雞都有好多舊，雞個調味唔錯，雞肉好嫩滑同多汁，蘑菇都有炒過好香，白汁味道好豐富，唔似求其用牛奶煮就算。意大利飯都軟硬適中。🍚👍🏼椒鹽雞既椒鹽好香五香粉同蒜蓉嘅味道，咸道都啱啱好。雖然食完意大利飯已經好飽，但個椒鹽雞好香口，忍唔住想食多舊😂 停唔到...🤤🤤🤤🤤

平時食嚟食去都係公司附近嗰幾間，有啲厭，同事就介紹我行多條街去新北江商場睇睇，呢間商場既餐廳真係幾多。黎到同事推薦既漢堡佬小店，店鋪細細間，不過菜式非常豐富。主打漢堡都好多款，不過見到有意大利飯，就嗌左個試試先。落左單到拎到野食都係大約5分鐘，效率好快. 個雞肉蘑菇意大利飯唔單單飯量多，連雞都有7-8件，仲要大大塊。見到都已經好有胃口。馬上食啖先，飯粒包裹住奶味濃郁既白汁醬，雞咬落多汁好嫩， 蘑菇有用牛油炒過好香，真心好好食!整體來講呢間餐廳嘅性價比好高，而且非常抵食，好推介大家都走去試吓！

疫情又嚴重咗，冇得堂食晚餐。雖有同老公買外賣番屋企食啦，新北江餐廳真係眼花撩亂，好多選擇。搵左呢間漢堡店，見多人排隊既餐廳，一定唔會中伏😂老公食量大，點左三重芝士牛肉流心蛋漢堡， 漢堡包一聞好香牛油味，三重芝士食落濃郁，一咬牛肉爆多汁，加埋流心蛋蛋液，新鮮既生菜同蕃茄，成個漢堡味道好有層次，老公讚好不斷！我就㨂左元祖脆雞漢堡，雞塊好大又厚身，雞比想像中多汁，好有水準！小食椒鹽一口雞大大塊，椒鹽味好香。薯格熱辣辣，一食就知係新鮮炸，薯仔味好香。搵到呢間餐廳，老公都讚我聰明！

食過好多間漢堡包店，當中要話好食又有水準，再加價錢親民，咁就一定要提呢間漢堡佬，佢地店鋪雖然細細間，裝修普通，不過佢地既漢堡真係用心製作❤️，落單即造，食料新鮮，用料都好豐富。😍😍呢間既雙層牛肉芝士漢堡🍔，漢堡包用牛油煎過，變得香脆。兩塊大大塊牛肉漢堡扒🥩都只以少許黑胡椒和鹽調味，更能突顯牛肉既鮮味，每咬一口都溢出滿滿的肉汁！芝士口感香滑，食落口中散發清香奶香，將芝牛漢堡的味道再升級！加上生菜，蕃茄，自家醬汁，食得再多都唔膩。香煎西班牙黑毛豬扒，肉質軟，食落啖啖肉汁，好食！🤗🤗🤗🤗