茶王冰室 (洗衣街) (已結業)

想試呢間好耐，但朋友開業食過話麻麻，見係附近就自己就左去試先，講真覺得唔錯，店員話可能開業太忙，質素未控制到，宜家好左好多，都幾多回頭客。我叫左杯凍西柚茶，唔會太甜，真係有幾大片西柚，好fresh既感覺，又可以解下膩。題外話：紙飲筒好環保！野食方面，叫左沙嗲牛肉煎蛋出前一丁，份量都幾多，好似有5，6塊牛肉，而且個蛋仲係好靚既太陽蛋，吉穿佢撈埋d沙嗲汁蛋汁入公仔麵，真係好正，食到後期先記得落包麻油，成件事又香左，其實簡單既野要做得出色真係唔容易！走既時候，覺得明明黎茶王冰室，唔飲奶茶好似好傻，就買左個外賣支裝走，$30吾算貴，好岩打卡，個樽又有得重用。飲落甜度同奶既比例都幾岩我心水，所以真心覺得呢餐唔差，傾落都覺得佢地係有心做飲食。