日本野 (已結業)

本身見到呢間餐廳都幾多好評，諗住試吓啲新嘢 就去咗呢度食，一開始嗌咗個自選丼飯 刺身一般 個飯仲難食過爭鮮 仲嗌咗個牛肉壽喜燒 個壽喜燒又咸又甜好重口味 仲嗌咗個火炙芝士三文魚壽司 味道普通 最尾仲嗌咗個甲羅燒 味道根本就係罐頭蟹膏味 第一位同事仲要較大咗火 搞到燒穿咗個蟹殼 仲有燒燶咗嘅蟹膏味 到我哋去食第二個嘅時候先有同事見到教我哋點樣食同埋幫我哋較細咗火 但係味道其實都係罐頭蟹膏味 個甲羅燒就食咗$198 真心唔值得呢個價 我哋用餐時間係兩小時 食咗一個鐘 我諗住問佢個甜品度寫字得唔得 因為同女朋友紀念日慶祝吓 佢話做唔到，因為唔夠時間溶朱古力 我真係心諗一個鐘都溶唔到個朱古力？ 係你地唔想做定係做唔到？ 我自己都係做西餐廳 我知道出個甜品要幾耐 係咪真係做唔到？買單因為有訂枱八八折 食咗$664 可能每個人口味唔一樣 但我覺得呢個價買單我可以食到咁好嘅食物。