影片
更多
2010-03-27
74 浏览
呢一篇係我第一次寫既食評, 本來無諗住寫(kongdaifa 我撐你)一直以為呢間野好好食, 咁多人寫得咁好諗住星期五放半日, 可以同男朋友去試呢間一直好出名既舖頭食 Lunch見間舖頭有位即刻走快步入去搵位由1:15 坐低 等左好耐都無人理 (可能食飯時間所以做唔切, 我眼見得二個人, 一個唔知係咪事頭婆,係度煮野, 另一個叔叔不停咁行出行入-寫單, 收錢, 收碗, 去廚房幫手, 攞d食物比客人)我同男朋友都話, 咁忙點解唔請個人幫手我地叫左 魚肉翅, 車仔麵(招徠大雜餸) 見隔離枱都有叫 & 魯肉餃 等呀等,等緊既時候有人係門口度問做唔做外賣 (事頭婆話做唔切, 唔做), 再之後有人送肉入黎, 可能係習慣左問係咪放係呢度, 跟住放低左係雪櫃地下就話"條數夜d先收"....仲有好多.... 等到 1:45 隔離枱個碗車仔麵到, 點解我地仲未有呢, 都係且一樣野姐眼見出去比錢既人越黎越多, 自己都仲未有野食又勁肚餓,覺得自己好慘, 等咁耐都唔知為咩見佢做完一張單先煮一樣, 先知原來我地張單係最後 (唔係同一款會一齊煮既咩, 做咩要浪費時間呀, 我等到想走)1:50 先有一碗魚肉翅出現
(kongdaifa 我撐你)
一直以為呢間野好好食, 咁多人寫得咁好
諗住星期五放半日, 可以同男朋友去試呢間一直好出名既舖頭食 Lunch
見間舖頭有位即刻走快步入去搵位
由1:15 坐低 等左好耐都無人理 (可能食飯時間所以做唔切, 我眼見得二個人, 一個唔知係咪事頭婆,係度煮野, 另一個叔叔不停咁行出行入-寫單, 收錢, 收碗, 去廚房幫手, 攞d食物比客人)
我同男朋友都話, 咁忙點解唔請個人幫手
我地叫左 魚肉翅, 車仔麵(招徠大雜餸) 見隔離枱都有叫 & 魯肉餃
等呀等,等緊既時候有人係門口度問做唔做外賣 (事頭婆話做唔切, 唔做), 再之後有人送肉入黎, 可能係習慣左問係咪放係呢度, 跟住放低左係雪櫃地下就話"條數夜d先收"....仲有好多....
等到 1:45 隔離枱個碗車仔麵到, 點解我地仲未有呢, 都係且一樣野姐
眼見出去比錢既人越黎越多, 自己都仲未有野食又勁肚餓,覺得自己好慘, 等咁耐都唔知為咩
見佢做完一張單先煮一樣, 先知原來我地張單係最後 (唔係同一款會一齊煮既咩, 做咩要浪費時間呀, 我等到想走)
1:50 先有一碗魚肉翅出現 (使唔使咁耐呀)
$19 呢個價錢我個人認為唔係好底囉 (我已經唔想用個值字, 因為可能有人覺得超值都未定)
2 人一齊食, d魚肉我食左2粒, 我問男朋友你食左幾多呀點解分咁少比我, 佢話我都係得2,3粒咋喎....心諗...時旦拉, 個肚又咁餓
之後再等左3-5分鐘 跟住就黎左碗麵
車仔麵(招徠大雜餸) $33
除左雞翼尖入味全部都淡而無味
d蘿蔔幾清甜
跟住黎埋個魯肉餃 $33
又話好出名....淨係見成碗好多生菜, d菜仲要無味
d肉...唔知道自己食左d咩, 蝦籽...可能自己口味同大家唔同 (覺得唔係咁啱我食)
埋單走人, 真係一次好拉, 我唔會再去等二次囉
我諗大家如果想試一次, 可以選擇一d非繁忙時段, 如果唔係我諗不如食定少少野打底, 唔係我怕會餓親
张贴
