爭鮮迴轉壽司 (已結業)

有冇試過喺銅鑼灣九點幾唔知食乜好？我建議大家可以試吓爭鮮迴轉壽司碟碟八蚊，連埋加上一都係8.8 碟，要食得飽真係一舊水有找。爭先嘅迴轉壽司有大路嘅三文魚，魷魚，八爪魚同帶子等，我每樣食左，所以唔好以為＄8就會將貨就價，新鮮程度唔差，很欣賞爭鮮迴轉壽司提供好大眾化價錢既壽司，令人可以點食都唔需要顧慮價錢。爭鮮有一啲係一碟得一舊大壽司，或巨型帶子，或牡丹蝦，我真係好推薦大家食牡丹蝦，因為新鮮清甜不在話，蝦頭仲有好多蝦膏！我食左5隻！平時叫刺身，通常得兩隻三隻，次次都要同朋友share，就住就住甘食，就算好好味都冇得encore, 今次真係一次食個夠本，而且仲要係＄8一碟！唔食過夠真係對唔住自己！仲有好可愛嘅迷你可樂一啲有沙律醬或者燒過嘅壽司都非常唔錯，大家不妨試吓！