El Taco Loco (已結業)

呢排成日日頭去Soho，平時黑媽媽，乜都睇唔到，日頭梗係清楚好多，見到corner 位間墨西哥美食，梗係先睇下網友評語，見到comment幾好，即刻要試。叫左網友話必食"7 Layers Nachos (with Chicken)" 同"Qusaidellia (with Pork)"，兩者都好好味，熱辣辣。個人較喜歡Qusaidellia, 有D似吞拿魚三文治，兩塊三角形薄餅（flour taco）夾免治豬肉，薄餅軟熟，醬料好正，吃完要搶吃下一件。7 Layers Nachos好特別，硬錫纸盤載一層層的墨西哥脆脆（我想應該有七層），中間滲入蕃茄粒洋荵粒，墨西哥腰豆，再加入雞絲（可選豬、牛），然後係最頂層舖上芝士拿去焗，之後再上酸忌廉和其它醬料, 有層次感，材料豐富，不過要趁熱食，唔係芝士硬哂，就無咁好味。最後，又要每人叫多件pork soft taco，一樣好味。夠哂飽。價錢真係抵。