影片
更多
2025-08-03
45 浏览
睇咗阿Bob一個視頻介紹之後，去咗尖沙咀嗰間食咗兩次。首先一個大讚，就係佢哋嘅服務態度，由一入門口開始到離開講拜拜嗰刻，每一個員工都服務親切，呢一點響香港係稀有嘅，我簡直好似去咗深圳食嘢咁，第一次去嘅時候，有種”香港有救”嘅感覺，兩次都冇嗌嘢飲，幫襯五六蚊都有賓至如歸嘅感覺，好希望佢哋響呢方面一樣keep住，更希望香港其他食肆及員工都會響呢方面落功夫，做得更好。曾幾何時，我都同外國朋友笑言，香港嘅服務特色係有效率，識執生，不過欠缺禮貌和熱情亦都係香港人嘅特色。我做咗幾十年秘書，以前啲老闆一直好鍾意搭國泰航空，讚佢哋服務非常之好，近年嘅情況已經唔同，有一啲已經唔鍾意搭佢哋，繼續搭可能係因為往來香港航班比較多選擇，所以更改班次比較容易，同埋繼續儲里數。講返嘢食，我兩次都有叫豬脷同豬大腸，呢兩樣都係我嘅至愛，呢間舖頭都做得好好，我好怕啲豬大腸得個腍字，呢一間做得有嚼口，厚切，啱晒我，不過如果鍾意啲好腍唔使點咬嘅呢，就唔好叫啦。蘿蔔做得好腍甜，又入味，必叫。豬心我就覺得麻麻哋，有少少硬。遲啲會再試吓其他餸，例如牛脷。一樣嘢想店舖諗吓改善嘅就係飲品種類，個人就唔係咁鍾意響食店裏面嗌啲現成飲品，如
曾幾何時，我都同外國朋友笑言，香港嘅服務特色係有效率，識執生，不過欠缺禮貌和熱情亦都係香港人嘅特色。我做咗幾十年秘書，以前啲老闆一直好鍾意搭國泰航空，讚佢哋服務非常之好，近年嘅情況已經唔同，有一啲已經唔鍾意搭佢哋，繼續搭可能係因為往來香港航班比較多選擇，所以更改班次比較容易，同埋繼續儲里數。
講返嘢食，我兩次都有叫豬脷同豬大腸，呢兩樣都係我嘅至愛，呢間舖頭都做得好好，我好怕啲豬大腸得個腍字，呢一間做得有嚼口，厚切，啱晒我，不過如果鍾意啲好腍唔使點咬嘅呢，就唔好叫啦。
蘿蔔做得好腍甜，又入味，必叫。
豬心我就覺得麻麻哋，有少少硬。
遲啲會再試吓其他餸，例如牛脷。
一樣嘢想店舖諗吓改善嘅就係飲品種類，個人就唔係咁鍾意響食店裏面嗌啲現成飲品，如果佢哋可以俾客人有即做嘅港版飲品，例如凍檸茶、凍檸水、凍咖啡、凍奶茶之類，咁就正啦！ 假若廚房太細，做唔到現成飲品給客人，可否考慮容許客人帶外來飲品入內，呢方面大陸真係做得好好，唔會介意，不過我知道嚮香港比較難，我都係講吓啫。我都會繼續幫襯嘅，寧願食完麵再出去買嘢飲。
张贴