沙拉姆咖喱屋

营业中

休息中

平時同朋友食開日本野，韓國野，間唔中都想轉下口味，今次簡左間印度野食👍一入到去，入面都幾闊落，幾乾淨，店員都係印度人，好有禮貌，可以用英文溝通。我地order左個炸芝士同牛腩白咖哩。個炸芝士好正，新鮮滾熱辣炸出黎，waiter拎黎果陣仲出緊煙，雖然佢無拉絲，但佢奶香味好重，而且外脆內軟，好正！至於個咖哩，真心惹味！佢唔算太辣，但好香香料味，而且唔會太咸，我地order左個芫茜薄餅點黎食，好match! 芫茜薄餅陣芫茜味唔太濃，我平時少食芫茜都接受到，配埋咖哩食出奇好味。牛腩寫得好soft, 好入味，有約有6-7舊，份量都算多。另外我order 左個芒果汁，order 果陣連個waiter都話呢杯野好味，又真係wor! 飲落好濃芒果味，而且唔會太稀，正！呢間店員工有禮，環境乾淨，坐得舒服，會再光顧。