GREEN

527
105
32
等级2
15
0
此乃真付費食評(附圖)- 日期:10/5/2020(母親節)話說呢間經常被港女拍照放上ig呃like食下午茶既酒店餐廳,終於有機會一試,但結果係大失所望🤷‍♀️重點:服務一般、咸點唔好食!果日係我同朋友去,果陣無為意果日係母親節,大約四月尾就網上比左訂,點知去到發現人太多,佢唔係安排我地坐green,而係上去the market(食自助餐果間餐廳)坐,我心諗去得green食下午茶都係貪佢樓底高落地大玻璃影相好睇,而家要我去the market 真係違反商品說明條例🤔食物方面,佢既咸點全部都係凍既!- 沙嗲雞肉串 - 凍既串燒有幾難食大家明既,d雞肉已經硬晒- 豬肉春卷 - 凍左會令油味明顯,難食- 蝦多士 - 本身應該幾好食,蝦肉好彈牙,但凍左就一般般,無左咬開既肉汁- 牛肉乾 - 切到牙簽咁細,同多士其實係分開食,好普通,周街都買到- 泰式海鮮糙米餅 - 味道唔覺有幾泰式😂 糙米餅有少少硬講完佢唔得既部分,咁佢都有讚既地方既,就係可以無限任食既榴槤肉雪糕!真榴連肉雪糕喔!我本身唔係榴槤愛好者,但都覺得好好食,佢每份既榴槤肉都超多,滑同香濃,不過食完有少少滯,真心我自己就食唔多。至於其他
更多

此乃真付費食評(附圖)- 日期:10/5/2020(母親節)


話說呢間經常被港女拍照放上ig呃like食下午茶既酒店餐廳,終於有機會一試,但結果係大失所望🤷‍♀️


重點:服務一般、咸點唔好食!

果日係我同朋友去,果陣無為意果日係母親節,大約四月尾就網上比左訂,點知去到發現人太多,佢唔係安排我地坐green,而係上去the market(食自助餐果間餐廳)坐,我心諗去得green食下午茶都係貪佢樓底高落地大玻璃影相好睇,而家要我去the market 真係違反商品說明條例🤔

14 浏览
0 赞好
0 留言

食物方面,佢既咸點全部都係凍既!
- 沙嗲雞肉串 - 凍既串燒有幾難食大家明既,d雞肉已經硬晒
- 豬肉春卷 - 凍左會令油味明顯,難食
- 蝦多士 - 本身應該幾好食,蝦肉好彈牙,但凍左就一般般,無左咬開既肉汁
- 牛肉乾 - 切到牙簽咁細,同多士其實係分開食,好普通,周街都買到
- 泰式海鮮糙米餅 - 味道唔覺有幾泰式😂 糙米餅有少少硬

16 浏览
0 赞好
0 留言

講完佢唔得既部分,咁佢都有讚既地方既,就係可以無限任食既榴槤肉雪糕!真榴連肉雪糕喔!

我本身唔係榴槤愛好者,但都覺得好好食,佢每份既榴槤肉都超多,滑同香濃,不過食完有少少滯,真心我自己就食唔多。
26 浏览
0 赞好
0 留言

至於其他甜品我都覺得唔錯,英式鬆餅好彩係暖,但都有少少痴口。另外層架上既甜品全部加左榴槤肉落去,真材實料,不過佢烏濃茶果凍有點求其,欣賞佢用烏龍茶黎清一下個味道,但果凍真係好易整,睇唔到佢既功夫同心思。


是次用餐最後係有75折優惠,埋單500蚊度,但都真係唔值得,何況係原價?加上佢今次係無主動通知客人情況下就調左客人去the market, 我會比負評!服務無特別可言🤷‍♀️


最後,大時大節想同親友去green食下午茶真係要問清楚佢會安排你坐邊先好落訂!
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食