整體評價：本身驚驚地係伏，因為食過尖咀永年好一般，心諗咁多好評係唔係搵打手打架🙂不過等位果陣見到人地食物果樣好似ok都放心。整體黎講，餐廳食物味道唔錯，茶記水準茶記服務，用餐限時一個鐘，新城市黎講唔叫貴，但唔明點解要加一？😅😅😅
叉燒滑蛋蔥油飯 - 試了朋友的叉燒，半肥瘦幾嫩，不過唔係好夠熱。
永年車仔麵 - 自選四餸：牛肚、牛筋、豬紅、雞亦，餸菜份量都多，豬紅有成七、八粒，牛肚同牛筋分別有四至五件，食完好飽。食物滷得幾入味既，但雞亦滷得太耐好爛，一夾就會散😞
腐乳通菜車仔麵餐加廿蚊有碟菜 - 腐乳汁有調味過，有加糖，唔會過咸
跟餐加3蚊有凍奶茶 加9蚊有抹茶紅豆冰
埋單202蚊
