樂天經典 (已結業)

今日男友帶我去左樂天經典食好野，佢知我一向都好鐘意食蟹，加上openrice有優惠。我地就去左食我最愛既蟹啦。哈哈。因為小妹好鐘意飲湯，估唔到呢度有真材實料既靚湯。諗左好耐終於決定了「淮山杞子鮮螺頭湯」貪佢可以補氣。入面都幾足料，有唔少螺頭，個湯好清而且好鮮十足。好正！職員仲超好服務，幫我地夾埋湯料。---之後我地點了「辣子蝦球」，因為男友最鐘意食呢類型既蝦。蝦球真係好大粒，而且仲好爽口！辣辣地唔錯！---我就點了炸子雞。食識既男友話呢款真係子雞黎肉質嫩滑而外皮都炸都脆口！好好味。---而最值得推薦既係「星洲黑胡椒螃蟹」。我地都真係估唔到個蟹咁大隻！係超大隻！擺隻手係度都超過呀。比ip6大超多。當中既黑胡椒醬原來有好多蟹膏粒架。唔係男友講真係發現唔到。呢度既蟹除左大隻，仲要好新鮮，蟹肉鮮甜而且勁多蟹膏。依家打食評都令我流曬口水呀！當中既蟹肉真係勁多，而且蟹味濃又鮮。---最後小妹仲點了玫瑰花茶。好香飲得出係靚料。樂天經典真係好多個估唔到咁正！而且價錢真係好公道。搵日帶埋媽咪一齊黎先。哈哈。