火鍋撚 (日富里百好大廈) (已結業)

🔎火鍋撚 ❣️西環石塘咀皇后大道西554-560號日富里百好大廈地下1號舖-----去完泰國之後，良久無食港式美食，是日就黎呢間我一向好中意嘅兵馬俑主題港式火鍋店打邊爐。一眾湯底中獨愛佢地嘅養生白湯，加上近日秋意涼涼，乾燥非常，白湯養生滋潤！正適合呢個季節食。任食鴨血同蜂巢豆腐都非常高質，前者滑後者口感佳。至尊水餃王🥟飽滿大隻，蝦肉餡扎實扎實的，加上佢地嘅秘製XO醬，港式獨有嘅美味，總係無可替代。極品黑豚肉🐷雪花分佈非常均勻，加上鮮紅肉色，係用肉眼都睇得到嘅新鮮。食落豬味濃郁，脂肪脂味比例恰到好處，高質。紫淮山爽脆非常，紫白混合嘅色彩，令人一見傾心，加上淮山嘅澱粉質，令湯底口感更為濃稠。打邊爐材料好食佢哋嘅小菜亦都出色，椒鹽九肚魚外脆內軟，非常香口，亦是佐酒佳品，令人忍唔住一口接着一口。