Bay's Kitchen & Bar (已結業)

提早一月預約Bay's kitchen & bar慶祝母親節，我們一家準時到達，看環境感覺良好，第一時間睇睇有咩好食，未去前都預左唔會太多選擇，簡單來說有5 個食物區，熱葷同冷盤擺放一區，串燒壽司沙律一區，生蠔一區，粥粉，扒類一區，甜品一區。😊熱葷同冷盤擺放一區，係失望，野食唔係難食，但比預期略差，因為個人應為如果選擇少，質量應該會較好，加上食評都好靚仔。。但真係唔得。☹串燒壽司沙律一區，普通，沒特別。😐生蠔一區，最好，美國同愛爾蘭生蠔，滑爽，好味，值回票價。👍粥粉，扒類一區，沒有係呢區拎過任何野，因為見到澳洲和牛已經唔開胃，生到好恐怖(無影相)，真係好唔掂!🤢🤢🤢甜品一區，因為有Movenpick，所以無得輸，其他甜品可以既。😗最後服務，由於人手不夠，加有些服務員真係好生手，希望公司做多些training，真心忍唔住想行入去幫佢地做埋。。。收費每位488有75折，埋單每位都要4百幾，其實出面有好多酒店都可以做到呢個價錢，無需要咁遠去深井，所以如果保持人流希望認真去改善問題同食物質素。謝謝!