告白果屋 (已搬遷) 新店位置

告白果屋主打天然無添加糖水，健康水果飲料，主要有果昔丶水果牛奶同果汁。最特別令人想飲嘅地方係飲品賣相，以水果肉切片鋪左杯嘅內層，絕對喺迎合相機飲先同呃like嘅風氣。店內雖然不設座位，不過餐廳其中一角佈置得幾靚，以乾花同一D雅緻小擺設作襯托，俾你幫杯飲品影相嘅時候有個靚靚背景。是次惠顧有四款做緊買一送一優惠，其中一款就係浪漫的蜜月，所以就揀左佢。味道方面，浪漫的蜜月其實係蜜瓜＋香蕉。香蕉味稍為出D，飲得出真係冇加糖水幾fresh幾好飲。不過如果唔係做緊買一送一優惠嘅話，四十幾蚊一杯算係比較貴。