全記點心專門店 (已結業)

食物一般般，價錢又貴，星期六早茶乜優惠都冇，一籠蝦餃$30 得3粒，豬潤腸啲腸粉皮勁厚，又唔滑。服務真係唔得，你入去食要唔好當自己係客人，當有人俾杯水你已經要感恩！有人入黎等枱，大大聲話就得，目標就係你坐緊個張都算，想坐多陣都唔得，你一食完唔好話即收碗碟，人都未起身阿姐已經抹緊枱了，趕客咁，如果唔係荃灣選擇少，我真係唔會去飲，今次之後都冇下次了。雖然門口有個corner 近“光榮冰室”係俾人貼連儂場，但內裡咩都冇，有懷疑！？