影片
更多
2009-05-31
30 浏览
食第2次啦已經~其實我並不喜歡打邊爐因為我覺得都係就咁烚熟d野姐~而且次次食完我都飽足2日...所以都係中意bbq/韓烤多d~但無奈男友同我岩岩相反~而呢間係我在hk食過最好食既既一間火鍋店~抵食不在話下~最緊要係好食!上次咁岩去apm見到咁多人食~試過一次嫁喇~今次慶祝朋友生日~我就帶左大家黎左呢度食~選了麻辣+醉雞湯底2個我之前都叫過~醉雞仲有埋雞食~22蚊一人份量抵呀!最值得讚既係佢唔會加水~唔夠佢會加雞湯比你~咁d味唔會淡哂啦~而且麻辣更加係頂呱呱~比起hk既其他麻辣火鍋出色囉~e.g寧記,海港,福苑等..不過唔知點解呢今次個麻辣湯完全唔辣~上次我食佢個湯底係非常辣嫁!仲搞到我用左5張紙巾!自問係食得辣既人~但居然呢間辣得黎帶少少麻~同我台灣食過既一樣好食!豬肉丸etc新鮮的~好味!墨魚滑,蝦滑抵!不過唔係我食過最好味既!鬼馬牛肉(台式)即係油炸鬼+滑牛~成枱人都話好食!特別又入味~大根xxx(唔係好記得個名~台式野)但係用白蘿蔔片+其他材料整既~幾得意8碟$8肥牛~每碟都有7塊左右~好食過出面38蚊碟果d~又抵又唔差!駝鳥肉新鮮喎我覺得!好似d生牛肉片咁!好味~友人叫左個北寄
其實我並不喜歡打邊爐
因為我覺得都係就咁烚熟d野姐~而且次次食完我都飽足2日...
所以都係中意bbq/韓烤多d~
但無奈男友同我岩岩相反~
而呢間係我在hk食過最好食既既一間火鍋店~
抵食不在話下~最緊要係好食!
上次咁岩去apm見到咁多人食~
試過一次嫁喇~
今次慶祝朋友生日~我就帶左大家黎左呢度食~
選了麻辣+醉雞湯底
2個我之前都叫過~醉雞仲有埋雞食~22蚊一人份量抵呀!
最值得讚既係佢唔會加水~唔夠佢會加雞湯比你~咁d味唔會淡哂啦~
而且麻辣更加係頂呱呱~比起hk既其他麻辣火鍋出色囉~e.g寧記,海港,福苑等..
不過唔知點解呢今次個麻辣湯完全唔辣~上次我食佢個湯底係非常辣嫁!仲搞到我用左5張紙巾!自問係食得辣既人~但居然呢間辣得黎帶少少麻~同我台灣食過既一樣好食!
豬肉丸etc
新鮮的~好味!
墨魚滑,蝦滑
抵!不過唔係我食過最好味既!
鬼馬牛肉(台式)
即係油炸鬼+滑牛~成枱人都話好食!特別又入味~
大根xxx(唔係好記得個名~台式野)
但係用白蘿蔔片+其他材料整既~幾得意
8碟$8肥牛~
每碟都有7塊左右~好食過出面38蚊碟果d~又抵又唔差!
駝鳥肉
新鮮喎我覺得!好似d生牛肉片咁!好味~
友人叫左個北寄貝刺身....因為佢係無刺身不歡的人~所以佢係板前常客
佢試過放入火鍋度~佢話ok!我又試左塊..但掛住傾偈...一夾既時候已經變左美女廚房果d..咬唔開既擦子膠....
牛柏葉
上碟時塊塊都好大好令~冇筋~不過就勁縮水囉~但都好好食
雪花+珊瑚蚌
珊瑚蚌ok呀~!叫左2碟~雪花蚌就好像冇食到呀我
金菇~
ok啦~唔會打打下唔見哂XD
雞脾菇~
D朋友一致認為賣相好似巨浪薯片XD
雲吞
男友話好食!d蝦好彈喎!
魚皮餃~
我一向不太喜歡...朋友點的~
冬菇
我都冇食~
唔記得仲有冇order其他野了...
仲有其他如紅酒丸,黃金蝦丸,提子丸等..下次可以試下~
草莓茶~有點甜~我加了很多冰
芝麻糊唔夠香濃~但10蚊包咁多~抵啦!
今次朋友都太肚餓~8點9等位~9點半入席
埋單$536~5人
正價都咁抵~!
上次我星期日9點後~埋單$17x~3人
除返每人60蚊咋
貼士:
係稻香集團既~但只此一家~不如開分店啦~
如果少人食~記得坐卡位~可以一人一鍋~圓枱就得一個電磁爐板
想9點食~8點可能要去等位~
星期日-四9點後6折~星期五,六係10點後8折~超抵!
唔想等到咁夜~其實佢仲有套餐價~計返條數一樣抵!而且係海鮮多~有多個套餐~唔洗餓咁耐!
記住個湯底~2個一人份量會抵過你叫鴛鴦湯底~
大部分食物既價錢分$18,$28同$38..有d可以單雙拼~同價添
每人加$10 有飲品任飲+糖水任食,係自助既,包括汽水/酸梅湯/草莓茶/芝麻糊/紅豆沙.. 不過一加就要成枱加~
另外有水or檸茶奶茶另叫~加冰唔洗$~
醬料都係自助既,豉油都有辣同唔辣提供..仲有其他你揀~應該滿足到大家
张贴
