金雞去骨海南雞專門店

营业中

休息中

點講好呢？睇咗openrice，個個贊不絶囗，咁又食飽咗，所以決定買外賣去試下依隻冇骨冇味精海南鷄。 其實去到門囗，已見到個個食海南鷄飯，見到冇骨海南鷄好似好正，個個食到好投入，真係超正咁。 咁我哋買隻麻辣海南鷄番屋企慢慢品嘗，好期待，外賣有八折$128，仲有麻辣，大愛。 點知⋯⋯ 一打開好似口水鷄，辣椒油浸住隻鷄，有d嚇人，不過味道又如何？幾經辛苦先揾到d鷄肉，因為實在太多鷄皮同油，鷄肉係好嫩好好味，可惜太多油，而且太多皮，真係放唔到入口，d皮又厚又沾滿辣椒油，太唔健康。 而麻辣又唔太麻又唔太辣，感覺就真係油浸鷄，有d極度失望。 不過見佢哋服務亦好好，而且我相信冇骨冇味精海南鷄係應該會好食，所以我唔會比一個差嘅食評，會再搵機會去試個海南鷄再作評論。