盤子工房 (建生商場) (已搬遷) 新店位置

盈豐不嬲都係屯門人掃街嘅選擇之一，不過無諗過，原來行多兩步到建生，可以有間咁正嘅餐廳☺️By the tray個位有少少隱蔽，不過見到門口企左堆人等位，就知道自己揾啱路😂等左大概兩個字就有得入。選擇困難症患者最後嗌左份All day Breakfast，一上台我就心諗：「咁大份！好正喎！」基本上乜都有，而且質素都幾高。滑蛋夠滑身，熟度剛剛好；薯角辣口，真係啱啱炸起；pancake雖然賣相不是很好，但食落都幾香，而且厚薄適中，唔會漿口。仲有炒菇、腸仔、蕃茄、煙三文魚一大堆，食完真係好滿足。屋邨仔地方有間咁高質嘅餐廳，真係不得了啊😂