泰亞萊第2店 (已結業)

紅磡有好多間有海南雞飯食，但現時為止依度啲雞最滑、雞味最濃、身材最 fit ~ 用既係酸辣汁配雞酒飯 ~ 此店仲有好香既泰式串燒，幾正咁喎 ~ 環璄裝修係簡陋茶餐廳 feel，仲有啲油淋淋、抺唔乾淨既感覺，燈光陰暗，茶餐廳服務質數咁上下啦 ~海南雞飯，好味道 ﹗雞油飯，口感夠乾爽、實淨、一粒粒嚥嚥靭靭，唔錯。味道香濃雞油雞湯味，出色。去骨海南雞鮮嫰滑溜，薄薄一層既皮，勁香滑，肉味濃郁，正。配埋雞肉、油味飯與酸辣汁同吃，絕配 ﹗食完整個飯，啪返兩片鮮青瓜，可去油膩感，帶出口腔清新感覺。