泰亞萊第2店 (已結業)

泰式海南雞飯，老實講，我真係覺得雞肉比以前淡口左又鞋口左囉，如果唔係有個油味飯加秘製泰式酸辣汁，齋食白切雞的話就麻麻地喇。無骨海南雞水準依然，皮香肉嫩，唔會肥騰騰。雞髀肉非常滑溜彈牙實淨有咬口，雞胸肉軟腍腍，滿意 ﹗隻雞一定日日做運動，薄薄一層嫩滑雞皮而且完全無肥膏喎 ﹗自家秘制酸汁有保證，獨門泰式酸汁非常醒腦開胃，飯都食多幾啖。個酸汁好濃郁，非常惹味香口，不過淨食個酸汁就有點偏咸呢 ﹗係要跟飯跟雞併埋一齊食先有美味既化學反應。雞油飯不黏不韌，只覺得係普通白飯加雞油略炒，各自精采，味道略淡。泰國米既雞油飯，不過不失，中規中矩，可以再乾爽一點，再香濃一點 ﹗為何今日油味飯又濕又淡又一舊舊又唔夠熱架？因為 Happy Friday？還是師傅失戀呀？我要乾爽嚥韌飽滿，香濃熱騰騰既油味飯呀 ﹗誰知當三樣食材合體加埋一齊食的話，會變得非常十分之美味非凡喎，好神奇呢 ﹗我都係較喜歡用青瓜做伴碟，味道同香氣非常清新，依家用白烚椰菜好似死氣沉沉咁囉。我黎泰亞萊真係獨孤一味海南雞，我最鍾意就係雞架喇，要多幾個同事一齊黎食，先有機會試多幾款不同出品呢。泰式海南雞半隻，一碟海南雞飯點夠喉喎，叫多半隻嘆先！冬

今日放左工，冇約到人加埋屋企又冇煮飯，於是就一個人求其搵間野食下，見到呢間餐廳都有一半位坐左人(平日呢區好多餐廳夜晚都係死寂)，咁就入去諗住黎1個quick dinner。一坐低睇餐牌，嘩...幾平下wo，根本係荼記價錢 ge 泰式餐廳，一個人食好難叫到小食，咁就only叫左個香葉辣椒肉碎飯試下，但等左成20分鐘先黎，一放上table，已經聞到好大陣獲氣，所以等耐小小都ok ge，好過好多荼餐廳d 炒野食係完全冇獲氣，但其實我本身諗住佢係肉碎+白飯底，估唔到係炒飯。一食第一啖，嘩....差d 熱死，真係岩岩新鮮炒起，超級熱辣辣，個飯真係唔錯，d 飯炒得夠乾身﹑加埋d泰式調味料炒﹑令到味道好濃，但可能佢加左好多辣椒炒﹑所以我覺得太辣，而我自己本身鍾意食辣野，所以都覺得好好味，但美中不足係肉碎唔夠多，感覺上辣椒同露筍仲多過d肉碎;而旁邊2塊青瓜唔係一個裝飾，其實係用黎解辣，當你太辣ge 時候食一啖，會幫你refresh 返。呢餐承惠38大元，整體黎講，性價比好高，因為真係幾平，下次我lunch 黎試下先。

至從在這家吃過之後～一直鍾情於這裡。每次跟老公去吃，都會點咖哩炒蟹和冬陰功。以前冬陰功裡面的蝦，好多的，這次去吃，覺得大大縮水，一共只有3個半只的蝦，然後裡面的蘑菇也不多。有點失望～現在點咖哩炒蟹也沒有了我最愛的薄餅，話說薄餅跟炒蟹真的是絕配的。現在整個換了外觀，用麵包當容器，如果剛上的時候吃還不錯。不過如果時間長了，麵包吸收太多湯汁，在吃口感真的是和薄餅差太多了。哎～還是中意我的薄餅配炒蟹啊。這次點了乾炒牛河，剛吃的時候口感會有一點點特別，但是不會是必點之物。以後還會去的，希望變回以前那樣吧。

今日在紅磡開工,呢到有間泰國餐廳，平，靚，正， ，我好多時經過都會食佢地海南雞味飯，留意，是味飯 ，加杯龍眼冰，佢海南雞味飯有咩特色 ，當然是雞滑有味 ，但其實佢雞雖然靚，但最突出是佢地d飯，是好有心機攪成，粒粒飯都有一種香味，似椰香，比雞更出色 另外送的冬瓜湯都ok,入面有雞 ，龍眼冰跟餐不用加錢 ，夠甜，龍眼味重 無骨雞配香飯 大大粒龍眼

去骨海南雞配油味飯，雞肉嫩滑有雞味，連雞胸都好軟棉。今日既油味飯乾爽香口，跟埋秘製酸汁同吃，非常開胃又美味 ﹗都有試過煮到啲飯一舊舊又濕又爛，偶有失手。有新鮮青瓜片伴碟，食完濃味既午飯，啪幾片青瓜可有清新感覺，又可去油膩感，細心 ﹗泰亞萊秘製酸汁，帶點變辣，酸咸味十足 ﹗有佢作點綴，整個海南雞飯既味道同吸引力提升不少。泰式併盤大，炸蝦餅，蝦肉彈牙鮮味，口感鬆脆，好味道 ﹗如果唔係一舊舊，係一塊塊會更好，每次形狀都唔同呢。炸魚餅，味似鯪魚球，都幾好味。泰式春卷，個人一向都不太喜歡用既餡料，中式較好。香葉炸雞，雞肉醃得入味又炸得香口，好味。泰式香葉包雞，用香葉包住炸，雞肉醃得入味，炸得香口，味道唔錯，只厭略為油左啲。

泰式海南雞飯，獨孤一味，每次必食 ﹗雞肉機乎每次都滑溜香甜，配秘埋製酸汁份外開胃，但係一定要撈飯一齊食，因淨食雞配汁會有點咸。雞油飯香，粒粒乾爽我鍾意。食完食埋伴碟新鮮青瓜可清清味蕾，good ﹗泰式炸蝦餅，食過圓形、圈形、球形，係未食過扁平不定形 ﹗我都明白整薄啲就快熟啲，但口感就差左。賣相非一般，炸得金黃咬落鬆脆，味道幾好，有鮮蝦香味，但彈牙感欠奉。

泰式無骨海南雞半隻，之前每一次都會配油味飯同自家酸汁同吃，今次都係第一次叫淨雞。先食吓原味先，雞味淡、肉質好腍但並不是嫩滑。再試跟個秘製酸辣汁大啖啪落口，好咸啊 ﹗以前跟飯一齊食既時候味道剛好勁好食，依家淨食差好遠呢 ﹗唔知點解好多時都係堂食會好食好多，一買外賣就變晒樣，今次真係麻麻地。

龍眼冰，本來我係要涼粉冰架，算數，費事要再等，lunch 勁爆場 ﹗第一次飲，好采無想象中咁甜，但都已經好甜。海南雞飯，配油味飯。泰亞萊海南雞時好時壞，間中都會失手，今日高質既雞同飯返左黎喇 ﹗上次食真係失晒水準 ﹗依次油味飯香噴噴，口感嚥靭又夠晒乾爽，非常好食 ﹗加上自家秘製酸汁，勁開胃呀 ﹗去骨海南雞每一件雞都雞味濃郁、口感超嫰滑，連雞胸都一樣勁嫰口 ﹗好好味 ﹗

有啲掛住海南雞添，咁 lunch 即到泰萊嘆件雞先啦 ~ 幾個月無黎，人事依舊但係海南雞飯質數急跌，真係大受通賬影響？泰式小食併盤，齋春卷，味淡，麻麻地。魚餅，味道還可以啦，有啲似潮式煎魚餅。蕉葉包雞，炸得好香口，味道唔錯，略厭炸得太乾。泰式海鮮濕炒河，最初諗住泰式會係辣，點知十足十港式炒河味道，都算幾好食既。有樣最特別既係，佢啲河粉係寛條河粉黎喎，有成吋咁濶架，先用豉油兜過，但唔多均勻囉，仲好多一條條黐住，再落料撈撈，最後落汁兜勻。配料咪有魷魚、蝦、草菇、椰菜、椰菜花、芥蘭、西蘭花、蟹柳、紅蘿蔔，其實無咩海鮮可言，哈哈。一試無妨 ﹗泰式炸蝦餅，食落梗係覺得麻麻地，蝦膠唔夠彈牙，鮮味同香味都不足，都 OK 既。咖喱豬頸肉飯，跟白飯乍？如果炒飯配咖喱會吸引好多。咖喱香，偏甜，其實食落似港式多過泰式。豬頸肉爽口不鞋，醃得入味，都唔錯。海南雞飯，係去骨海南雞，味道一次比一次差，不論雞或係飯都越黎越差。雞油飯味淡，香味不足，口感不夠嚥靭。白切雞有肉味，但雞味淡，口感仍保持滑溜溜，正 ﹗加埋自家特製調味酸汁，格外醒神開胃。雖然質數持續下降，但現時依然算好好味既。

每次經過這裡都會被那香噴噴的串燒味吸引,但總是來去怱怱,沒有時間去試下! 今次終於有機會同黃兔試試 店內比較細,坐得擠迫我地叫了:馬拉盞炒通菜 - 份量多夠鑊氣,味道不錯,略嫌咸了少許串燒雞翼,豬肉,雞肉 - 串燒好香,燒得不會乾身,還保留肉質軟熟,再加上串燒汁更加惹味泰式海鮮濕炒河 - 濕炒茨汁太多,海鮮料份量一般,但河粉軟滑,味道可以咖哩軟殼蟹 - 雖然咖哩沒有辣味,但咖哩汁非常惹味,撈飯食更一流,軟殼蟹味道也不錯,略嫌薄餅比較燶椰汁珍珠涼粉冰 - 珍珠同涼粉令到槨汁冰好有口感,椰汁味香濃好味

除夕早收去左試下呢間街坊泰國餐廳，佢個格局係茶餐廳feel。入到去見到係由幾個泰國女士主理，環境當然比九龍城d細舖仔好d，起碼坐得舒服少少先。我地叫左炸蝦餅、香草炒豬肉、同豬頸肉炒河。本來想叫生蝦但價錢要成$65，所以最後無叫到。個炸蝦餅有8小塊，味道ok但外皮d炸粉有d刮口，價錢都唔平，要$48。豬頸肉炒河幾好味但份量較少，不過以$30來講都算ok啦。至於香草炒豬肉($38)就最唔得，原來係香草豆角辣椒炒肉碎，味道同材料都同文字上有差別，有d搵笨呀。總體上味道ok但夜晚唔太抵食，去番九龍城果d食較好~但佢個午餐似乎幾抵食，$30有各類炒粉/飯仲送指定泰式飲品，,下次有機會會食下~

日日 lunch 都唔出去食，日做夜做，再留係公司唔休息呀，真係屈住屈住，要出去鬆一鬆 ~ 剛好今日有同事要請埋我一齊出街食，咁我介紹佢地黎泰亞萊啦 ~ 叫四碟，一齊 share 食多幾款，呵呵 ~海南雞飯，必食。去骨雞肉保持水準，又滑又嫰又雞味濃，好正。但係個飯失手，今日比較濕，唔夠乾爽，味道較為淡口，但撈埋個泰式酸汁都仍好好味既，其實個汁係依個飯既靈魂，都佔幾重要既位置，無左佢味道差好遠。肉鬆蝦醬炒飯，甜得得黎好香，本人唔多好蝦醬，但味道都係唔錯，值得一試。炒功算可以， 用濕淋淋既蝦醬黎炒飯，算係好乾爽架啦。豬頸肉炒金邊粉，金邊粉比想像中好食好多好多，可能因為之前係愉景灣試過間泰式餐廳既炒金邊粉，口感腍，味道甜到我食唔落，可能受依個唔開心既經驗影響掛。依次炒得金邊粉少油乾爽彈牙又嚥嚥靭靭，混埋豬頸肉一齊炒，好有咸香，好味道。

紅磡有好多間有海南雞飯食，但現時為止依度啲雞最滑、雞味最濃、身材最 fit ~ 用既係酸辣汁配雞酒飯 ~ 此店仲有好香既泰式串燒，幾正咁喎 ~ 環璄裝修係簡陋茶餐廳 feel，仲有啲油淋淋、抺唔乾淨既感覺，燈光陰暗，茶餐廳服務質數咁上下啦 ~海南雞飯，好味道 ﹗雞油飯，口感夠乾爽、實淨、一粒粒嚥嚥靭靭，唔錯。味道香濃雞油雞湯味，出色。去骨海南雞鮮嫰滑溜，薄薄一層既皮，勁香滑，肉味濃郁，正。配埋雞肉、油味飯與酸辣汁同吃，絕配 ﹗食完整個飯，啪返兩片鮮青瓜，可去油膩感，帶出口腔清新感覺。

叫左海南雞飯+青咖喱牛肉~海南雞無骨,又好滑~~但佢醬料唔夠多款個油飯好香,好乾身~~青咖喱幾好味,辣度剛剛好~同埋佢個泰國茄子好好味,同食開既唔同,佢唔係好淋個D~牛肉就不過不失~~

在門口有位阿姐長期在做串燒, 行過已聞到香味, 串燒豬肉, 雞肉, 肉丸-- 豬肉唔太un; 雞肉就有少少鞋 , 而且淋淋地; 肉丸十分彈口但無嘜味道, 食得出是預先煮好再翻燒, 沙爹汁味道完全, 沒有沙爹的香味, 唔夠辣, 而且偏甜,.椰汁冰的椰汁味夠濃, 好飲, 如果少些甜少少仲正.海南雞飯是無骨的﹐只$25 , 十分底食, 雞肉嫩滑但不太有雞味﹐反而醬汁了得, 少少辣加中等酸, 很惹味, 但油飯不太好, 飯身太硬﹐食得出不是少水問題, 而是保溫的火太大, 引至不斷煮的關係, 水份大失, 而且油飯沒有飯香﹐比一般的差。咸魚炒芥蘭的芥蘭勁粗, 在家裡吃開北京芥蘭苗, 不太喜歡這麼大的品種, 咬落太硬而且有些少un, SINGHA BEER 泰國beer, 味道屬於淡的類型, 適合女性, 最重要夠凍, 好野!