芝加哥串燒 (美豐花園) (已結業)

黎到酒吧當然就係想飲杯嘢，食下串燒吐下苦水。 今次就去咗一間較為偏僻嘅酒吧仔， 貪佢人唔算多，可以坐耐啲食下串燒。 叫左支1664同埋apple cider。如果唔夠凍嘅，侍應哥哥仔會幫你搵支更凍嘅，務求令你飲得盡興。 呢度食嘢食物質素係唔差。蒲燒鰻魚燒得好香，肉質又夠嫩，燒得恰到好處。 朋友鍾意食啲翹口嘢。一串雞心同一串鴨舌， 雞心我都係第一次食，估唔到咁有肉汁，咁有嚼勁，而鴨舌都好彈牙。 鹽燒牛脷我就可以食得多啲， 因為夠淋又夠香酥又惹味。 呢個燒白鱔係必點之選。如果唔怕有少少骨，就一定要試下。因為油脂成份高，又啖啖肉而且外皮香脆，食過返尋味。 叫咗一次雞皮，加咗發粉一齊燒所以分外酥脆，咸味多少少就一絕。 咁大塊雞肶菇燒落當然好好食， 椒鹽同樣惹味，又夠多菇既肉汁。 當然唔少得食下燒大扇貝 。蒜蓉落得好足料，味道好香好鮮甜。 金菇肥牛卷， 經典嘅菜式，唔使介紹都知正呀。 最後主菜係隻燒乾坤乳鴿， 如果想飽啲就一定要叫。因為入面係有糯米飯，較為飽肚， 而乳鴿口感外脆內嫩， 配埋醬汁食味道口感夠晒豐富。