亀井鮨 (已結業)

銅鑼灣世貿嘅食肆陸續重開，等左咁耐終於可以去世貿食飯，今日就去咗呢間3樓嘅日本料理食晚餐，見到餐廳而家做緊全場食品8折優惠，真係幾抵食！原來亀井鮨是開業超過百年的日本老店，香港更是餐廳在外地的第2間海外分店。餐廳除了使用各地空運到港的刺身食材，香港分店首次加入了本地元素，部分料理使用香港本地海鮮製成。我哋今晚點左一份壽司盛、幾份小食，食物質素不錯。✦極上壽司盛擺盤精美！超級豐富壽司盛有12款壽司，分別有大鮪魚腩,油甘魚,深海池魚,鯛魚,左口魚邊,牡丹蝦,帆立貝,三文魚籽,日本海膽,穴子,玉子,鮪魚蓉卷，每件壽司都選用高質食材，超級新鮮，肥美大鮪魚腩、甘甜海膽，鮮味三文魚籽非常高質。✦日式煎餃子熱辣辣♨️餃子皮夠薄身，肉汁豐富。✦清酒煮蜆 蜆肉大大隻，好鮮甜完全無沙，清酒煮得好入味。✦雜錦天婦羅雜錦天婦羅有齊南瓜、番薯、冬菇、茄子同秋葵，天婦羅炸漿夠薄身，熱辣辣即叫即炸，好酥脆。✦炸雞軟骨炸得香口，雞軟骨好爽脆,而且一碟份量都幾多下。